Nánar um British Shorthair-ketti

Sérsniðið fóður gegnir mikilvægu hlutverki þegar kemur að því að viðhalda heilsu og fegurð British Shorthair-katta. Fóður veitir orku fyrir nauðsynlega líkamsstarfsemi og heildstæð fóðurblanda fyrir British Shorthair-ketti ætti að innihalda rétt magn næringarefna. Hreint, ferskt vatn ætti alltaf að vera aðgengilegt fyrir almennt heilbrigði og heilbrigt þvagfærakerfi. Kettir eru náttúrulegir "nartarar" og borða margar litlar máltíðir á dag. Ef þeir fá ráðlagðan dagsskammt af þurrfóðri einu sinni á dag stjórna British Shorthair-kettir flestir eigin neyslu, ef ekki er ráðlagt að skipta matarskammtinum meira upp. British Shorthair-kettir eru afar jafnlyndir og hafa tilhneigingu til að þyngjast mjög hratt. Þess vegna er mikilvægt að gefa köttum af þessu kyni rétt fóður í réttum skömmtum allt frá unga aldri. Eftirfarandi ráðleggingar eru fyrir heilbrigð dýr. Ef kötturinn þinn á við heilsufarsvandamál að stríða skaltu hafa samband við dýralækni sem mun skrifa upp á sérstakt sjúkrafæði.

Uppvöxtur er mikilvægt skeið í lífi kettlings. Tímar stórra breytinga, uppgötvana og nýrra upplifana. Þarfir British Shorthair-kettlinga hvað varðar orku, prótín, steinefni og vítamín eru mun meiri en hjá fullorðnum köttum.
Uppvexti kettlinga má skipta í tvö skeið: 

Uppvöxtur

Frá fæðingu til fjögurra mánaða aldurs:

Afvönun er tímabilið þar sem kettlingur fer af móðurmjólk fyrir á fasta fæðu. Þetta tímabil er gjarnan það sama og þegar mjólkurtennurnar birtast um 3-6 vikna aldur. Á þessu stigi geta kettlingar ekki enn tuggið svo mjúkt fóður (uppbleytt þurrfóður eða blautfæði) auðveldar umskiptin úr vökva í fasta fæðu. Ónæmiskerfi British Shorthair-kettlinga enn að þroskast fram að 12 mánaða aldri. Flókin blanda andoxunarefna, meðal annars vítamín E hjálpar til við að styðja við náttúrulegar varnir ónæmiskerfisins á þessu stóra tímabili lífs þeirra. 

Milli 4 og 12 vikna 

Náttúrulegt ónæmi sem kettlingur fær frá broddmjólk móðurinnar – eða fyrstu mjólkinni  minnkar smám saman frá fæðingu – á meðan ónæmiskerfi kettlingsins þroskast smátt og smátt. Þetta viðkvæma tímabil er kallað ónæmisbilið og þarfnast kettlingur sérstaklega andoxunarefna, meðal annars vítamín E til þess að styðja við náttúrulegar varnir sínar. Kettlingar fara í gegnum hratt og á sama tíma viðkvæmt skeið uppvaxtar þar sem meltingarvegur þeirra getur verið viðkvæmur.  Meðan á því stendur ætti fóðrið að vera bæði orkuríkt til að fullnægja nauðsynlegri vaxtarþörf þeirra og innihalda mjög auðmeltanleg prótín fyrir meltingarkerfið sem er enn að þroskast. Góðgerlafæða á við frúktó-ólíkósakkaríður geta einnig stutt við meltingarveg þeirra með því að stuðla að auknu jafnvægi í bakteríuflóru þarmanna. Niðurstaðan? Góðar hægðir, alltaf! Meltingarvegurinn þroskast smám saman og nær fullri hæfni í hringum tólf mánaða aldur. Þá ætti hann að ráða við fullorðinsfóður. Fóður kettlinga ætti að innihalda ómega-3 fitusýrur – (EPA-DHA) – sem stuðla að eðlilegum þroska taugafrumna.

Mótun og samhæfing: frá 4 mánaða til 12 mánaða:

Frá fjórða mánuði hægir á vexti kettlinga. Fóður sem inniheldur auðmeltanleg prótein og rétt magn af vítamínum og steinefnum stuðlar að heilbrigðum vexti vöðva og beina. Einnig er gagnlegt að bæta við L-karnitíni sem stuðlar að heilbrigðri fitubrennslu. British Shorthair-kettlingar hafa ríka þörf fyrir að hreyfa sig. Ráðlagt er að gefa orkuminna kettlingafóðri eftir geldingu. Þegar fullorðinstennurnar eru komnar niður verður að fóðra British Shorthair-kettlinga á hringlaga fóðurkögglum með áferð sem þeir eiga auðvelt með að bíta í. Slík fóðurkúlulögun stuðlar að því að kötturinn bryðji fóðrið og stuðlar þannig að heilbrigði tanna og munnhols. Ónæmiskerfi British Shorthair-kettlinga enn að þroskast fram að 12 mánaða aldri.  

Auk þess að viðhalda eðlilegum þvaglátum, eins og hjá öllum köttum, eru helstu næringarmarkmið fullorðinna British Shorthair-katta:

Umhyggjusemi fyrir íturvöxnum líkama kattana til að viðhalda ákjósanlegum vöðvamassa og auka heilbrigði liðamóta.

Gera allt til að viðhalda heilbrigði húðarinnar og fegurð hins ótrúlega þykka snögghærða feldar og gefa fóður sem inniheldur sérstök næringarefni.

Kettirnir eiga auðvelt með að bíta í þurrfóður í réttri stærð og lögun sem hvetur kettina til að tyggja og á þann hátt stuðlar að heilbrigðri munnhirðu. British Shorthair-kettir eiga það einmitt til að gleypa í sig fóðrið án þess að tyggja. Þar af leiðandi geta kettirnir fengið tannholdssjúkdóma eins og tannslíðursjúkdóm.

Hægt er að auka heilbrigði hjartans með því að gefa fóður með fullkominni blöndu af innihaldsefnum eins og táríni, L-karnitíni, EPA-DHA og andoxunarefnum. British Shorthair-kettir geta fengið arfgengan sjúkdóm sem kallast ofþykktarsjúkdómur í hjartavöðva. Hægt er að greina slíkan kvilla auðveldlega með hjartaómskoðun.

Eldri kettir - sérstaklega yfir 12 ára aldri eiga stundum í vandræðum með frásog næringarefna. Til þess að viðhalda heilbrigðri þyngd og draga úr hættu á vannæringu er mikilvægt að fóðra þá á einstaklega auðmeltanlegu fóðri uppfullu af nauðsynlegum næringarefnum.

Eftir því sem þeir eldast þjást kettir í auknum mæli af tannvandamálum og hjá sumum eldri köttum getur bragð- og lyktarskynið einnig minnkað sem getur leitt af sér minni fæðuinntöku. Til að tryggja að þeir haldi áfram að borða nóg þarf að sníða lögun, stærð og áferð þurrfóðursins að kjálkum katta sem verða viðkvæmari með aldrinum.

Athugið þó að virknistig allra katta fer mest eftir lífsstíl þeirra og það á einnig við um þá sem eru að eldast. Eldri kettir sem halda áfram að fara út reglulega njóta góðs af mataræði með aðeins hærra fituinnihaldi. Á hinn bóginn dregur öldrun ekki úr hættu á því að innikettir hlaupi í spik. Fylgjast skal vel með hitaeininganeyslu þeirra. Fóður með hóflegu fituinnihaldi hentar líklega best.