Home

Hundafóður, næring og umönnun

Umönnun og þroski hvolpa

Að sækja hvolpinn

Þegar þú tekur hvolpinn þinn heim

Dagurinn sem þú kemur með hvolpinn heim er spennandi, en það getur líka verið stressandi fyrir hann þar sem hvolpurinn er að yfirgefa móður sína og systkini.

Labrador Retriever puppy lying down on a white bed

Hver er rétti aldurinn til að taka hvolpinn þinn heim?

Best er að koma með hvolp heim þegar hann er 8 til 10 vikna gamall. Þá ætti hann að vera vaninn af spena og búinn að læra grunnfélagshegðun hunda með samverunni við móður sína og systkini.

Ef þú tekur hann of fljótt missir hann af þessu mikilvæga námstímabili, sem gæti haft áhrif á líkamlega og tilfinningalega velferð hans til framtíðar. En ef þú tekur hann frá móður sinni og systkinum mikið seinna en við 10 vikna aldur muntu hafa misst af stórum hluta félagsmótunarstigsins.

Hvenær er best að koma með hvolpinn heim?

Mikilvægt er að þú getir verið heima með hvolpinum fyrstu dagana eftir að hann kemur á heimilið. Þá er best að halda ró á heimilinu og takmarka heimsóknir fyrstu dagana til að auðvelda hvolpinum aðlögunina. Ef þú getur, skaltu sækja hvolpinn að morgni svo hann nái að kynnast nýju heimkynnunum í dagsbirtu.

Ertu tilbúin/n til að sækja hvolpinn þinn?

Með því að tryggja að þú sért vel undirbúin/n muntu hjálpa hvolpinum þínum aðlagast nýja heimilinu og fjölskyldunni á ánægjulegan og öruggan hátt. Ertu ekki alveg tilbúin/n? Fáðu frekari upplýsingar um hvernig þú getir undirbúið komu hvolpsins þíns.

Undirbúningur

Spurningar sem þú getur spurt ræktanda hvolpsins

Ræktandi hvolpsins þíns getur gefið þér góðar upplýsingar sem koma að gagni við að hjálpa hvolpinum að aðlagast nýja heimilinu og lifa heilbrigðu lífi. Mundu að spyrja ræktandann eftirfarandi spurninga og að öðru sem viðkemur hvolpinum þínum.

Golden Retriever puppies lying together on a white blanket next to a window

Er hvolpurinn farinn að borða eingöngu fasta fæðu?
Hvaða fóður fær hann og hversu oft þarf hann að borða?
Er hann farinn að læra að gera þarfir sínar úti og hvernig gengur það?
Hvernig er dag- og næturrútínan hjá hvolpinum
Er hann búinn að fara í dýralæknaskoðun?
Hafa einhver heilsufarsvandamál komið upp?
Er búið að bólusetja hann og ef svo er, hvenær á að endurbólusetja hann?
Hvenær fékk hann ormalyf?
Er hann örmerktur?
Hvaða umhverfisþjálfun er hann búinn að fá?
Hvernig er geðslag foreldranna og eru heilsufarsvottorð þeirra tiltæk?

Hvað skal taka með þegar hvolpurinn er sóttur

Nokkrir mikilvægir hlutir ættu að vera með í för þegar þú sækir hvolpinn þinn til að hann sé öruggur og honum líði betur á leiðinni heim. Þar á meðal má nefna:

Taumur, stillanleg hálsól eða beisliGættu öryggis hvolpsins þegar þú ferð frá heimili þínu í bílinn og öfugt.

Teppi eða leikfangLáttu tíkina fá leikfang eða teppi svo lyktin af henni setjist í. Það getur hjálpað hvolpinum á leiðinni heim.

Vatnsflaska og skálSjáðu til þess að hvolpurinn fái að drekka á leiðinni heim.

HundanammiÞað er sniðugt að byrja fljótt að verðlauna hvolpinn fyrir góða hegðun. Notaðu hvolpafóðrið við þjálfun og haltu honum uppteknum við að gæða sér á því.

Kúkapokar og vörur til hreinsunarÞað er ólíklegt að hvolpurinn þinn sé húshreinn, eins og sagt er, þegar þú sækir hann. Það borgar sig því að vera viðbúinn því að „slys“ verði.

Búr í viðeigandi stærðÞetta skiptir miklu máli, sérstaklega ef þú sækir hann ein/n þíns liðs í bíl.

Að koma með hvolp heim - hvernig skal hafa ferðina

Heimferðin gæti verið fyrsta skiptið sem hvolpurinn þinn fer í bíl. Það er mikilvægt að honum líði vel svo hann verði ekki kvíðinn þegar hann fer í bílferðir síðar. Ef mögulegt er, væri best að hafa einhvern með sem getur huggað hann meðan þú keyrir.

1/4

Áður en þú ferð frá ræktandanum

Gakktu úr skugga um að þú hafir öll gögn og hafir spurt að öllu sem þér lá á hjarta. Það er ekki gott að gefa hvolpinum að borða skömmu áður en þið farið því hann gæti orðið bílveikur á leiðinni heim. Það er skynsamlegt að fara með hvolpinn í stutta gönguferð og athuga hvort hann vill gera þarfir sínar áður en þið farið heim. Gættu þess, þegar þú setur hálsólina á hvolpinn, að hann nái ekki að smeygja sér úr henni. Ef þú kemur tveimur fingrum undir ólina er hún hæfilega hert.

2/4

Að koma sér fyrir í bílnum

Ef einhver er með þér getur hann setið aftur í með hvolpinn á hnjánum, á sætinu eða á gólfinu. Ef þú ert ein/n á ferð verður hvolpurinn að ferðast í búri. Handklæði eða leikfang með lykt af móðurinni nýtast vel til að róa hvolpinn á þessum tímapunkti.

3/4

Ferðalagið

Ef hvolpurinn vælir eða geltir, þótt þú hafir gert allt til að láta honum líða vel, skaltu hughreysta hann rólega. Ef ferðalagið er langt skaltu gera hlé á akstrinum og leyfa hvolpinum að gera þarfir sínar, borða eða drekka.

4/4

Þegar þið komið heim

Byrjaðu á að fara með hvolpinn út í garð svo hann geti gert þarfir sínar. Farðu inn með hann í rólegheitum og hughreystu hann ef á þarf að halda.

Hvernig takast skal á við fyrstu dagana með hvolpinum þínum

Fyrstu dagar og vikur hvolpsins með þér munu hafa mikil áhrif á hversu vel honum gengur að koma sér fyrir á nýja heimilinu auk þess að skipta máli hvað varðar framtíðarþroska hans og hamingju.

Fyrstu dagarnir og vikurnar

Hvolpavörurnar okkar

Royal Canin Puppy styður heilbrigðan vöxt og þroska með því að veita öll nauðsynleg næringarefni fyrir þarfir hvolpsins fyrsta æviárið.

Sjá allar vörur

Undirbúningur

Velkomin/nn heim

Fyrstu dagarnir

Fóðrun

Heilsa

Uppvöxtur

Umhverfisþjálfun

Þjálfun

Snyrting