Maine Coon - Staðreyndir & tegundareinkenni

Sérsniðin næring gegnir grundvallarhlutverki í að viðhalda heilsu og fegurð Maine Coon katta. Næring veitir orku til þess að stuðla að heilbrigðri líkamsstarfsemi. Að fóðra þá vel stuðlar að því að bjóð aþeim hvorki upp á fóður sem er ábótavant né óhóflegt, hvoru tveggja getur haft skaðleg áhrif á heilsu kattarins þíns. Hreint, ferskt vatn ætti að vera aðgengilegt öllum stundum til þess að stuðla að heilbrigðu þvagfærakerfi. Kettir eru nartarar og borða margar litlar máltíðir á dag. Að gefa ráðlagðan dagsskammt af fóðri getur hjálpað þeim að stýra neyslunni sinni skynsamlega.

Eftirfarandi ráðleggingar miða við heilbrigð dýr. Ef kötturinn þinn er með heilsufarsvandamál, hafðu samband við dýralækninn þinn sem mun ráðleggja þér varðandi sjúkrafóður.

Vöxtur Maine Coon kettlinga er lengri en hjá hefðbundnum ketti og leggur grunninn að heilbrigðu lífi þeirra. Þeir stækka líka hraðar en hefðbundinn köttur: 3ja mánaða Maine Coon kettlingur getur verið næstum því 2kg, sem er rúmlega tvöfalt meira en kettlingar af öðrum tegundum! Skipta má vexti Maine Coon kettlinga í tvö tímabil:

Frá fæðingu til 4ra mánaða:

Afvönun er tímabilið þar sem kettlingur fer af móðurmjólk yfir á fasta fæðu. Þetta tímabil er gjarnan það sama og þegar mjólkurtennurnar birtast um 3-6 vikna aldur. Á þessu stigi geta kettlingar ekki enn tuggið svo mjúkt fóður (uppbleytt eða baltufóður) auðveldar umskiptin úr móðurmjólk yfir í fasta fæðu. Þetta viðkvæma tímabil er kallað ónæmisbilið og þarfnast kettlingur sérstaklega andoxunarefna, meðal annars vítamín E til þess að styðja við náttúrulegar varnir sínar. Kettlingar fara í gegnum hratt og á sama tíma viðkvæmt skeið uppvaxtar þar sem meltingarvegur þeirra getur verið viðkvæmur.  Meðan á því stendur ætti fóðrið að vera bæði orkuríkt til að fullnægja nauðsynlegri vaxtarþörf þeirra og innihalda mjög auðmeltanleg prótín fyrir meltingarkerfið sem er enn að þroskast. Góðgerlafæða á við frúktó-ólíkósakkaríður geta einnig stutt við meltingarveg þeirra með því að stuðla að auknu jafnvægi í bakteríuflóru þarmanna. Niðurstaðan? Góðar hægðir, alltaf! Meltingarvegurinn þroskast smám saman og nær fullri hæfni í hringum tólf mánaða aldur. Þá ætti hann að ráða við fullorðinsfóður. Fóður kettlinga ætti að innihalda ómega-3 fitusýrur – (EPA-DHA) – sem stuðla að eðlilegum þroska taugafrumna.

Til viðbótar við að viðhalda heilbrigðu þvagfærakerfi fyrir alla ketti, er aðalmarkmið næringar fyrir Maine Coon ketti:

Stuðningur við kröftuga beinagrind og liðheilsu með kondroítín, glúkósamíni og EPA/DHA. 

Stuðningur við hjartaheilsu með aðlöguðu magni magnesíums, natríums, kalíums, arganíns, EPA/DHA, táríns L-Karnitíns og andoxunarefna. Þrátt fyrir kröftuga líkamsbyggingu geta Maine Coon kettir verið viðkvæmir fyrir t.d. stækkun hjartavöðva.

Stuðningur við náttúrulegar varnir húðarinnar og stórkostlegs felds með næringarefnum sem styðja við húðheilsu.

Stuðlar að góðri tannheilsu þökk sé lögun fóðurkúlunnar sem er aðlöguð að stórum ferhyrndum kjálka þeirra og stuðlar að því að kötturinn bryðji fóðrið.

Eldri kettir - sérstaklega yfir 12 ára eiga stundum í vandræðum með frásog næringarefna. Til þess að viðhalda heilbrigðri þyngd og draga úr hættu á vannæringu er mikilvægt að fóðra þá á einstaklega auðmeltanlegu fóðri ríku af nauðsynlegum næringarefnum.

Eftir því sem þeir eldast geta eldri kettir verið viðkvæmari fyrir tannvandamálum og sumir þeirra getur jafnvel bragð- og lyktarskyn minnkað sem leiðir til minni fæðuinntöku. Til að tryggja að þeir haldi áfram að nærast vel þarf að sníða lögun, stærð og áferð fóðursins að kjálkum katta sem verða viðkvæmari með aldrinum.

Athugið þó að virknistig allra katta fer mest eftir lífsstíl þeirra og það á einnig við um þá sem eru að eldast. Eldri kettir sem halda áfram að fara út reglulega njóta góðs af matarræði með aðeins hærra fituinnihaldi. Á hinn bóginn dregur öldrun ekki úr hættu á því að eldri kettir hlaupi í spik. Fylgjast skal vel með hitaeiningainntöku þeirra. Fóður með hóflegu fituinnihaldi hentar líklega best.