Labrador Retriever Puppy
View Product
Tölum um Shiba Inu
Shiba er sjálfstæður, skarpur og frár á fæti. Fyrir vikið er honum oft líkt við ketti enda lítur hann gjarnan svo á að eigandinn þarfnist hans meira en hann eigandans.
Official name: Shiba Inu
Other names: Shiba
Origins: Japan
| Drooling tendencies |
|
Þolir hann heitt veður? |  |
| Snyrtiþörf |  |
Þolir hundurinn kalt loftslag? |  |
| Hárlos | |
Suited to apartment living? | |
| Barking tendencies |  |
Getur dýrið verið eitt?* |  |
| Energy Level* | Lítil |
Family Pet?* | |
| Færni til að búa með öðrum gæludýrum | |
* We advise against leaving pets alone for long stretches. Companionship can prevent emotional distress and destructive behaviour. Speak to your veterinarian for recommendations.
Every pet is different, even within a breed; this snapshot of this breed specifics should be taken as an indication.
For a happy healthy and well-behaved pet, we recommend educating and socializing your pet as well as covering their basic welfare needs (and their social and behavioral needs.
Pets should never be left unsupervised with a child.
Contact your breeder or veterinarian for further advice.
All domestic pets are sociable and prefer company. Það er samt sem áður hægt að kenna þeim að vera ein frá ungaaldri. Seek the advice of your veterinarian or trainer to help you do this.
Male
36 cm - 41 cm
Height
11 kg 500.0 - 12 kg 500.0
Weight
Female
33 cm - 38 cm
Height
8 kg 500.0 - 9 kg 500.0
Weight
| Ungviði | Fæðing til 2 mánaða |
| Hvolpar | 2 til 12 mánaða |
| Fullorðnir | 12 mánaða til 7 ára |
| Eldri hundar | 7 til 10 ára |
| Öldungar | 10 til 20 ára |
1/7
Kynnstu Shiba Inu
Allt sem þú þarft að vita um þessa tegund
Shiba varð ekki þekkt hundategund á Vesturlöndum fyrr en um miðja síðustu öld en aflaði sér þá fljótt vinsælda sem heimilishundur. Gönguleg þeirra er létt, eyrun eru þríhyrnd og vísa fram á við og svipurinn er árvökull. Fyrir vikið rugla halda sumir að Shiba sé refur. Shiba Inu geislar af sjálfstrausti með sínu ákveðna og yfirvegaða augnráði.
Í heimalandi sínu, Japan, voru Shiba-hundar eitt sinn notaðir til að fæla upp fugla fyrir veiðimenn svo þeir gætu skotið þá á flugi. Shiba Inu er lítill og vel byggður hundur sem getur unnið í hvaða landslagi sem er. Auk þess líður honum prýðilega inni á heimilinu. Shiba hefur samt þörf fyrir að ærslast utan dyra. Mikil veiðihvöt býr enn í honum og þess vegna er ráðlegt að hafa hann í taumi. Shiba er strokugjarn og ef hann finnur glufu á girðingu er hann rokinn og kemur ekki til baka fyrr en honum hentar!
Shiba Inu tjáir sig á mjög fjölbreyttan hátt og ef menn taka ekki eftir svipbrigðunum, lætur hann í sér heyra. Þá geltir hann ekki eins og flestir hundar, heldur gefur frá sér hljóð sem líkjast jóðli. Niðurstaðan: Manni leiðist aldrei með Shiba.
Ráðlegt er að hefja þjálfun og umhverfisþjálfun á unga aldri því Shiba er bráðsnjall, ákveðinn og sjálfsöruggur hundur. Shiba er heimaríkur að eðlisfari og hann tengir fljótt saman hluti og fólk. Það þarf að kenna honum að deila með öðrum strax frá unga aldri. Með réttri þjálfun verður Shiba Inu trygglyndur fullorðinn hundur sem er tilbúinn að verja fjölskyldu sína.
2/7
2 staðreyndir um Shiba Inu
1. Ekki ný tegund
Tegundarheitið Shiba Inu var ekki opinberlega viðurkennt fyrir en upp úr 1920 en á þeim tíma fóru þessir hundar að berast til Vesturlanda. Shiba-hundar eru langt í frá ný tegund. Þessi mikilsmetna hundategund hefur verið til í meira en níu þúsund ár. Frumstæðar myndir hafa fundist í Japan af hundum sem líkjast Shiba-hundunum og eru þær taldar vera frá því um 300 fyrir Krist.
2. Bjargað af brúninni
Í Japan voru upphaflega þrjú afbrigði af Shiba Inu-hundum: San-in, Mino og Shinso. Í hörmungunum sem fylgdu seinni heimsstyrjöldinni og hundafári sem geisaði í Japan í kjölfarið, urðu japönsku þjóðarhundarnir fyrir miklu falli. Til allrar hamingju var Shiba bjargað frá útrýmingarhættu með blöndun afbrigðanna þriggja en fyrir vikið hurfu upprunalegu afbrigðin af sjónarsviðinu. Afrakstur þessara björgunaraðgerða var Shiba Inu eins og við þekkjum hann nú til dags.
3/7
Saga kynsins
DNA-rannsóknir hafa leitt í ljós að Shiba Inu er elsta japanska hundategundin en alls eiga Japanir sex þjóðarhunda sem allir eru spitz-hundar. Sömu rannsóknir sýndu fram á að þessir hundar voru til árið 7000 fyrir Krist. Upphaflega nýttu japanskir veiðimenn þessa hunda til að fæla fugla upp úr kjarrinu. Sumir halda því fram að „shiba“ þýði kjarrlendi sem er umhverfið sem hundarnir unnu oftast í. Önnur tilgáta er sú að „shiba“ vísi til laufblaðanna í kjarrinu enda minni feldlitur hundanna á þau. Þriðja tilgátan er sú að „shiba“ þýði „lítill“ á japanskri mállýsku sem ekki er lengur töluð. Orðið „Inu“ þýðir einfaldlega „hundur“ á japönsku. Tegundarheitið var ekki opinberlega viðurkennt í Japan fyrr en upp úr 1920.
Áhugafólk um tegundina og japanska hundaræktarfélagið NIPPO stuðluðu að því að Shiba Inu var gerður að þjóðargersemi Japans árið 1937. Japanir fluttu inn aðrar hundategundir um miðbik 18. aldar og pöruðu innfluttu hundana við þá sem til voru í landinu, þar á meðal Shiba Inu. Fyrir vikið fækkaði hreinum Shiba Inu-hundum til muna.
Eftir hörmungarnar sem fylgdu seinni heimsstyrjöldinni og hundafári sem geisaði í Japan í kjölfarið, rambaði tegundin á barmi útrýmingar. Skömmu síðar var gert ræktunarátak þar sem eftirlifandi Shiba-hundar voru paraðir og varð afraksturinn sá Shiba Inu sem við þekkjum nú til dags.
Fyrsti Shiba-hundurinn kom til Bandaríkjanna árið 1954 með bandarískri hermannafjölskyldu. Fyrstu hvolparnir af þessari tegund komu þó ekki í heiminn í Bandaríkjunum fyrr en 1979 og það talið upphafsár Shiba Inu í Bandaríkjunum. Shiba var þó ekki viðurkennd sem fullgild tegund af bandarísku hundaræktarfélögunum AKC og UKC fyrr en árið 1992. Í ferlinu sem fylgdi skráningu og viðurkenningu tegundarinnar var Inu-hlutanum sleppt og tegundin einfaldlega kölluð „Shiba“.
4/7
From head to tail
1. Yfirfeldur
Höfuð og búkur eru þakin stífum og sléttum feldhárum sem geta verið rauð, svört og brún eða blanda af rauðum, svörtum og hvítum.
2. Undirfeldur
Undirfeldurinn er þéttur og mjúkur. Hvít feldhár sem kölluð eru „urajiro,“ eru á hliðum trýnisins, kinnum, innanverðum eyrum og kviðnum
3. Face
Höfuðið er breitt og rák er greinileg í enninu. Kinnar eru bústnar. Augun eru djúpt í augntóftum og örlítið skásett. Nefbroddur er svartur
4. Ears
Eyru eru þríhyrningslaga og upprétt. Þau vísa örlítið fram á við.
5. Tail
Skottið er loðið og hringast yfir bak
5/7
Hlutir sem gæta skal að
Sérkenni tegundarinnar og almennar heilsufarsupplýsingar. Hér eru áhugaverðar staðreyndir um Shiba-hundinn þinn.
Fleiri en menn fá ofnæmi
Shiba Inu hefur tilhneigingu til að fá ofnæmi sem skiptist í þrjá flokka: Fóðurofnæmi, snertiofnæmi og ofnæmi sem tengist öndunarfærum. Fylgstu með einkennum en þau eru meðal annars kláði, roði í húð og/eða hárlos. Ef slík einkenni koma fram, borgar sig að fara með hundinn til dýralæknis eins fljótt og auðið er.
Heilbrigt fóður, heilbrigðari hundur
Puppy
Fullorðnir
Öldungar
6/7
Að hugsa um Shiba Inu
Hollráð um snyrtingu, þjálfun og hreyfingu
Shiba Inu er duglegur og leikglaður hundur sem þarf að fá að hafa mikið fyrir stafni. Farðu daglega út með Shiba-hundinn þinn í þokkalega langa gönguferð eða í skokk. Hafðu hann alltaf í taumi nema þú leyfir honum að viðra sig á vel afgirtu svæði. Shiba Inu hefur gaman af útiveru og hann unir sér jafn vel inni í skógi og í verslunargötu svo framarlega sem hann er með eiganda sínum. Því fjölbreyttari afþreyingu sem hann fær, þeim mun rólegri og þægilegri er hann inni á heimilinu.
Shiba hefur ákaflega fallegan, snöggan feld og sérstaklega er vetrarfeldurinn glæsilegur. Þessum glæsileika fylgir umtalsvert hárlos svo það er ekki úr vegi að fjárfesta í góðri ryksugu þegar Shiba-hvolpur kemur á heimilið. Gárungar segja gjarnan að Shiba fari úr hárum tvisvar á ári, í sex mánuði í senn.
Megnið af árinu er hárlosið viðráðanlegt og þá er gott að bursta reglulega yfir feldinn til að losa dauð feldhár. Það þarf hins vegar ekki að klippa feldinn eða snyrta að öðru leyti því í ræktunarmarkmiði Shiba er sérstaklega tekið fram að alls ekki megi klippa feldinn. Shiba fellir feld og endurnýjar hann tvisvar á ári.
Shiba Inu er meinilla við að láta klippa á sér klærnar en það á raunar líka við um hunda af fleiri tegundum. Þótt hundasnyrtir þurfi ekki að klippa feldinn á Shiba-hundinum þínum, gætir þú fengið hann til að klippa á honum klærnar. Það er skynsamlegt að venja Shiba-hvolpa við það frá upphafi að komið sé við þófana og þeir nuddaðir létt. Ef þeir venjast þessari snertingu, verða klóklippingar minna vandamál. Það er gott ráð að venja hvolpana líka á að aðrir en eigandinn komi við þófana á þeim.
Gættu vel að tannhirðu Shiba-hundsins þíns og gefðu honum fóðurkúlur sem hvetja hann til að tyggja.
Góð vísa er aldrei of oft kveðin: Því fyrr sem þjálfun Shiba hefst, þeim mun betra.
Shiba Inu er bráðskarpur hundur sem veit hvað hann vill. Hann er fálátur í garð ókunnugra og þess vegna er þeim mun mikilvægara að hefja umhverfisþjálfun eins snemma og auðið er.
Eitt er mikilvægt að muna: Þegar taumnum er sleppt af Shiba Inu, er hann rokinn. Gættu þess að hafa hann alltaf í taumi. Þegar hann er inni á heimilinu þarf að sjá til þess að hann hafi enga útgönguleið.
Ef rétt er staðið að almennri þjálfun og umhverfisþjálfun, getur Shiba Inu verið frábær og ástríkur félagi. Vinnan sem er lögð í þjálfunina margborgar sig.
7/7
Allt um Shiba Inu
Shiba Inu er sjálfstæður, skarpgreindur og viljasterkur hundur. Fyrir vikið er hann ekki sá auðveldasti í þjálfun. Með staðfastri þjálfun og umhverfisþjálfun frá unga aldri, geta Shiba-hundar orðið dásamlegir og tryggir félagar. Það er eindregið mælt með staðfastri þjálfun sem byggist á því að verðlauna hundinn fyrir æskilega hegðun.
Shiba er ekki „uppáþrengjandi“ og þarf ekkert sérlega mikið á athygli fólks að halda. Honum líður prýðilega einum heima hjá sér. Það þarf þó að sjá honum fyrir reglubundinni hreyfingu til að vega upp á móti tímanum sem hann er einsamall. Ef Shiba fær ekki næga hreyfingu og er skilinn eftir einn löngum stundum, fer honum að leiðast. Þá er hann líklegur til að finna sér eitthvað til dundurs eins og að naga húsgögn eða aðra heimilismuni.
Sérstakt fóður fyrir Shiba
Read more on this topic
A guide to changing your dogs food
Let’s talk about dog skin allergies
Is your dog constipated?
Sources
1 - Veterinary Centers of America https://vcahospitals.com/
2 - Royal Canin Dog Encyclopaedia. Ed 2010 and 2020
3 - Banfield Pet Hospital https://www.banfield.com/
4 - Royal Canin BHN Product Book
5 - American Kennel Club https://www.akc.org/