Þroski kettlings til fullorðinsára

Þegar kettlingar koma í heiminn ættu þeir að skríða núttúrulega til móður sinnar og komast á legg. Við það innbyrða þeir broddmjólk frá móður sinni, mjólk sem er rík af mótefnum og styrkir ónæmiskerfi þeirra.

Þrátt fyrir að kettlingar fæðist án þess að geta notað eyru eða augu sýna þeir ýmis viðbragðsviðbrögð strax á þessu snemma stigi. Kettlingur getur nú þegar ratað um umhverfi sitt með því að treysta á lyktarskyn og snertingu. Hann nær að halda á sér hita með því að kúra upp að móður sinni og fær næringu með því að fara á spena.

Nýfæddir kettlingar ættu að vera hjá móður sinni allan sólarhringinn til að haldast heitir, hreinir og nærðir. Hitastigið í gotkassanum ætti að vera um 22°C til að draga úr hættu á ofkælingu og raki ætti helst að vera á bilinu 65–70%.

Á þessu stigi sofa kettlingarnir stærstan hluta dagins eða um 90%. Hreyfiþörf er aðeins takmörkuð því að skríða til móður sinnar fyrir hlýju og mjólk. 

Hreint, rólegt og hlýtt umhverfi er lykilatriði fyrstu vikurnar. Ef of mikil röskun eru á ró í umhverfi móður og kettlinga getur heilsu þeirra og fæðurútínu hrakað. Að halda hitastigi kettlings yfir 34°C er nauðsynlegt. Ef hitastig kettlingsins fer undir það missa þeir hæfni til þess að melta mjólkina, ef hitastig fer undir 32°C tapa þeir sogviðbragði og hætta að nærast.

Þegar mjólkurtennur kettlingsins byrja að myndast hefst frávönunarferlið. Eftir smá tíma fara kettlingarnir að sýna áhuga á fæðu móður sinnar og þá má byrja að kynna þeim fyrir fastri fæðu. Þar sem meltingarkerfi þeirra er enn óþroskað er mikilvægt að þeir fái auðmeltanlega fæðu sem uppfyllir næringarþarfir þessa þroskastigs.

Á þessu stigi kemur svokallað "ónæmisbil" fram. Þó eru mótefnin sem kettlingurinn fær frá móður sinni ekki lengur nægjanleg til þess að veita fullnægjandi vörn, en samt of há til að bólusetning virki sem skyldi. Þetta gerir kettlinginn viðkvæmari fyrir sjúkdómum. Svefn gegnir mikilvægu hlutverki í að styrkja ónæmiskerfið, svo að skiptir miklu máli að kettlingar hafi hlýtt, þægilegt og rólegt svefnumhverfi.

Eftir því sem kettlingarnir eldast fara þeir að eiga í meiri samskiptum við systkini sín og byrja til dæmis að snyrta hvort annað. Þeir hefja virka leikhegðun og hlaupa, stökkva og læðast. Á þessu stigi er sjón þeirra orðin fullþroskuð.

Þegar kettlingarnir fara að hreyfa sig meira og verða forvitnari er mikilvægt að gera umhverfi þeirra "kettlingavænt". Þetta er einnig mikilvægt lærdómstímabil svo aðgengi að leikföngum og öðru sem örvar skynfæri þeirra og leik er mikilvægt. Regluleg snerting og samskipti við mismunandi manneskjur stuðlar að því að kettlingarnir verði sjálfsöruggari á fullorðinsárum.

Frá um átta vikna aldri er kettlingurinn kominn á kjöraldur til að hefja grunnbólusetningar. Næsta bólusetning fer svo fram 3-5 vikum eftir það. Þetta ferli er mikilvægt til að tryggja að kettlingurinn fái rétta vörn fyrir fullorðinsárin. Hafðu samband við dýralækni fyrir frekari upplýsingar og bólusetningaáætlun.

Sum næringarefni meltast ekki enn, svo það er mikilvægt að tryggja að kettlingurinn fái næringu sem hentar aldursstigi sínu. Það tryggir að þeir fái næringarefni og orku sem þeir þurfa á þessu mikilvæga þroskaskeiði.

Á þessum aldri er hegðun kettlingsins mest mótuð af öðrum, þar á meðal gotsystkinum og móður. Þeir byrja einnig að skilja stöðu sína innan heimilisins og móta hegðun sína eftir reynslu og þjálfun.

Kettlingar byrja að geta farið frá móður sinni og verið kynntir fyrir nýju heimili um átta vikna aldur. Ráðlagt er þó að þeir fari ekki að heiman svo ungir heldur í kringum 12 vikna aldur. Ef þú ert að fara að taka á móti kettlingi er mikilvægt að tryggja að heimilið sé tilbúið og kettlingavænt.

Þegar kötturinn fer að nálgast fullorðinsþyngdina er aukin tilhneiging til þess að kanna yfirráð innan heimilins. Mikilvægt er að eigandi haldi áfram að fylgja þeim rútínum og hegðunarreglum sem voru settar á fyrstu mánuðum lífs kattarins til þess að viðhalda stöðugleika og draga úr streitu.

Ef áætlunin er að leyfa kettinum að fara út er hægt að kynna þá fyrir umheiminum upp úr sex mánaða, ef þeir hafa fengið allar bólusetningar sínar. Best er að gera það smám saman. Þar til kettlingurinn er orðinn öruggur í umhverfi sínu, er æskilegt að vera með honum úti. Almennt gildir að fressar hafa stærri svæði sem þeir fara um á meðan læður halda sig nær heimili sínu. Á þessu stigi er mikilvægt að eigandinn sýni stöðugleika og haldi áfram að umbuna góða hegðun og viðhalda aga.

Kettlingar teljast fullorðnir um 12 mánaða aldur, en stærri kattategundir þó ekki fyrr en 15 mánaða. Þegar kettlingurinn færist yfir á fullorðinsaldur er kominn tími til að færa hann smám saman yfir á fóður sem styður við næringarþarfir hans með tilliti til tegundar, holdarfars og lífstíls.