Hugsað um heilsu kattarins þíns
Sjö ráð til að viðhalda heilbrigði kettlingsins þíns
- Lærðu að skilja táknmál kettlingsins þín svo þú sjáir á honum ef honum líður illa. Ef þér finnst eitthvað athugavert, hafðu þá samband við dýralækni.
- Fáðu ráðleggingar hjá sérfræðingi um fóðrun kettlingsins og sjáðu til þess að hann fái næringarríkt kettlingafóður.
- Kettlingar þurfa mikið að sofa. Tryggðu kettlingnum þínum þægilegan og rólegan hvíldarstað.
4. Aldrei vekja kettling þegar hann sefur.
5. Kettlingar þurfa að hreyfa sig og eiga samskipti. Þess vegna skaltu gefa þér tíma til að leika við hann.
6. Efldu sjálfstraust kettlingsins þíns með því að tryggja að mismunandi fólk haldi reglulega á honum.
7. Fylgdu alltaf ráðlagðri bólusetningaráætlun dýralæknisins. .
Styrktu ónæmiskerfi kettlingsins þíns með sérsniðnu fóðri
Það skiptir höfuðmáli fyrir heilsu og velferð hvolpsins í framtíðinni að hann þroski með sér sterkt ónæmiskerfi á fyrstu mánuðunum. Fóðrið okkar er vísindalega þróað til að stuðla að langvarandi hreysti.
Með kettlinginn í fyrsta sinn til dýralæknis
Það er mikilvægt að fara með kettlinginn til dýralæknis fljótlega eftir að hann kemur á heimilið. Dýralæknirinn þarf að heilbrigðisskoða kettlinginn, bólusetja hann og gefa honum ormalyf. Þetta er gott tækifæri fyrir þig til að læra meira um heilsufar og um umönnun kettlingsins þíns.
Að bólusetja kettlinginn þinn
Af hverju eru bólusetningar svona mikilvægar fyrir kettlinga?
Bólusetningar eru nauðsynlegar til þess að styrkja náttúrulegar varnir kettlingsins og vernda þá gegn ýmsum smitandi, stundum banvænum sjúkdómum.
Almennt er bólusett gegn eftirfarandi sjúkdómum:
- Feline leukaemia – veikir ónæmiskerfið og eykur næmni fyrir sýkingum.
- Feline calicivirus (FCV) – sérstaklega smitandi og algengur valdur af öndunarfærasýkingum. Smitast með beinni snertingu við augu eða nef smitaðra katta eða snertingu við smitaða hluti á við skálar og leikföng.
- Feline panleukopenia virus (FPV) – algengur banvænn sjúkdómur sem veldur tíðum uppköstum. Kötturinn getur einnig sýnt einkenni niðurgangs en ekki alltaf.
- Feline herpes virus (FHV-1) – algengasta orsök kattaflensu og augnsýkingum.
- Rabies virus (RV) – smitast með munnvatni úr sýktu dýri og getur smitast gegnum t.d. bitsár. Ekki er bólusett gegn Rabies á Íslandi, en þörf er á bólusetningunni sé kötturinn að ferðast erlendis.
Til eru fleiri bólusetningar sem gæti verið þörf á. Dýralæknirinn þinn getur ráðlagt þér hvað henti kettlingnum þínum best.
Hvenær þarfnast kettlingurinn bólusetninga?
Það er mjög mikilvægt að kettlingurinn fái bólusetningar á réttum aldri til þess að tryggja heilsu og vellíðan þeirra þegar þeir stækka. Dýralæknirinn þinn getur aðstoðað þig við að vega og meta áhættur í umhverfi kettlingsins varðandi hvaða bólusetninga- og ormahreinsiáætlun henti þörfum kettlingsins best.
Ákjósanlegur aldur fyrir fyrstu bólusetningu er milli sex og níu vikna aldurs. Kannaðu hjá ræktanda eða fyrri eiganda hvort kettlingurinn hafi fengið bólusetningar áður en þú ferð með hann heim.
Þarf að endurtaka bólusetningarnar?
Við hverju má búast eftir bólusetninguna?
Kettlingurinn gæti sýnt eftirfarandi einkenni eftir bólusetningu:
- Vægur hiti.
- Minni áhugi á fæðu og leik.
- Væg óþægindi þar sem bólusetningin var framkvæmd.
- Mildur hnerri og hósti.
Hvenær á að hafa samband við dýralækni?
Ef einkenni vara í meira en dag eða tvo, er mikilvægt að hafa samband við dýralækni.
Þú ættir að hafa samband við dýralækni samstundis ef kettlingurinn sýnir sjaldgæfari aukaverkanir á við:
- Uppköst eða niðurgang.
- Kláða í húð.
- Bólgu við andlit, háls eða munn.
- Erfiðleika við öndun eða mikinn hósta.
Ormahreinsun og ófrjósemisaðgerð á kettlingum
Að koma í veg fyrir orma í kettlingum
Þar sem ónæmiskerfi kettlinga er enn í mótun, eru þeir gjarnari á að fá orma en fullorðnir kettir. Ormar eru innvortis sníkjudýr og í köttum og kettlingum finnast einkum tvær gerðir af ormum:
- Þráðormar (spóluormar) sem búa um sig í smágirni kettlinga og mynda kúlur sem geta valdið hægðateppu.
- Bandormar sem hreiðra um sig í þörmum og valda uppþembu og niðurgangi. Stundum hafa þeir slæm áhrif á feld kettlinga.
Hver eru einkenni orma?
Ormameðferð fyrir kettlinga
Þarf ég að láta gelda kettlinginn minn?
Yfirleitt er talað um að taka læður úr sambandi og að gelda fress en þessar ófrjósemisaðgerðir koma í veg fyrir framleiðslu eggja og sæðisfruma. Ófrjósemisaðgerð er einföld skurðaðgerð. Kötturinn er svæfður meðan dýralæknir gerir aðgerðina.
Kostir þess að láta gelda ketti
Ef þú ferð með köttinn þinn í ófrjósemisaðgerð kemur þú ekki eingöngu í veg fyrir að kettlingar komi óvart í heiminn, heldur hefur aðgerðin líka góð heilsufarsleg áhrif auk þess sem hegðun kattarins breytist til hins betra. Læðan hættir til dæmis að senda frá sér kynhormón sem laðar að fresskettina og einnig minnkar breim verulega eða hverfur með öllu. Gelding minnkar líkur á að fresskötturinn fari á flakk eða taki þátt í slagsmálum.
Nokkrir heilsufarslegir kostir vönunar
Eftir vönun er minni hætta á æxlum í mjólkurkirtlum, sýkingum í eggjastokkum og legi og ormasýkingum hjá læðum. Vönun mun einnig draga úr hættu á eistnakrabbameini hjá fressum. Meðal annarra kosta er að komið er í veg fyrir kynsjúkdóma, þvag verður lyktarminna og minna verður um lyktarmerkingar.
Besti aldurinn til að vana kettlinginn þinn
Venjulega er hægt að vana kettling þegar kynþroskaaldurinn hefst, sem er við sex til sjö mánaða aldur. Dýralæknirinn þinn mun geta gefið þér ráð um hvað henti þínum kettlingi best.
Eftir að kettlingur hefur verið geldur á hann venjulega auðveldara með að þyngjast vegna þess að matarlystin eykst um leið og virknin verður minni. Til að koma í veg fyrir að kettlingurinn verði of þungur og glími við heilsufarsvandamál í tengslum við það er mikilvægt að aðlaga mataræðið. Dýralæknirinn þinn ætti að geta ráðlagt þér varðandi það.
Rétt næring stuðlar að heilbrigði kettlingsins þíns
Sá þáttur sem hefur mest áhrif á heilsufar kettlingsins þíns er fóðrið sem hann fær. Næringarþörf katta og kettlinga er ólík eftir aldri. Ef þú gefur kettlingnum þínum réttu næringarefnin miðað við aldur hans og sérþarfir, tryggir þú honum heilbrigðan beinavöxt, heilbrigða húð, heilbrigðan feld, góða meltingu og fleira.
Aldurstengdar næringarþarfir kettlinga
Undir 2 mánaða
2 - 4 mánaða
4 - 12 mánaða
Frá 12 mánaða - að skipta yfir á fullorðinsfóður
Sérsniðin næring fyrir kettlinga
Sérsniðið fóður sem fullnægir sérstökum þörfum kettlinga á ólíkum aldri og af ólíkum kattakynjum, hvernig sem lifnaðarhættir þeirra eru.