Þroski hvolpa frá goti til fullorðinsára
Hvolpur gengur í gegnum mörg þroskaskeið þar til hann verður fullorðinn. Þekking á þessu ferli hjálpar þér að átta þig á hver næringarþörf hans er á hverju þroskaskeiði.
Fæðing
Strax eftir fæðingu ætti að leiðbeina hvolpinum til móður sinnar á spena. Móðirin flytur mikilvæg mótefni og næringu til gotsins á þessum fyrstu klukkustundum og dögum sem styðja við heilbrigðan þroska þeirra.
Við fæðingu
Hegðun
Við fæðingu eru augu hvolpanna lokuð. Hvolpurinn ratar þó til móður sinnar og systkina með því að nota lykt og snertingu til þess að fá hlýju, umhyggju og næringu. Hvolpar munu eyða meirihluta tíma síns sofandi á þessu stigi.
Fæðing
Þroski
Hvolpar ættu að vera um 1 - 5% af áætlaðri fullorðinsþyngd við fæðingu. Þyngdaraukning hvolpsins fyrstu dagana fer eftir stærð kynsins. Hvolpar ættu venjulega að þyngjast um 2-4g á dag fyrir hvert kg fullorðins hunds af sama kyni.
Fæðing
Umhverfi
Hjá nýfæddum hvolpum er hitastjórnunin ekki fullþroskuð, svo fyrstu klukkustundirnar er mikilvægt að umhverfið sé aðlagað að þörfum þeirra. Hitastigið í fæðingarkassanum ætti að vera á bilinu 29,5-32°C. Eftir það má lækka hitastigið smám saman niður í um það bil 26,7°C eftir sjö til tíu daga. Fæðingarkassinn ætti einnig að vera á vel loftræstum stað.
Fæðing
Heilsa
Helsta áskorunin fyrir hvolpa við fæðingu er að þeir öðlist sjálfstæði í öndun, hita og fóðrun til að lifa af þessa erfiðu stund. Til að styðja þá er mikilvægt að undirbúa fæðingarkassann á viðeigandi hátt. Nota skal vatnsskálar eða rakatæki til að halda rýminu við 65-70% rakastig og stuðla að heilbrigðu lofti í rýminu með réttri loftun og hitalampa til að hita rýmið.
Næstum strax eftir fæðingu mun ræktandi vigta hvolpana til að skrásetja ástand gotsins og bera kennsl á hvolpa sem eru í hættu á veikindum.
Næstum strax eftir fæðingu mun ræktandi vigta hvolpana til að skrásetja ástand gotsins og bera kennsl á hvolpa sem eru í hættu á veikindum.
Fæðing
Næring
Það er mikilvægt að hvolparnir komist á spena eins fljótt og auðið er eftir fæðingu. Fyrsti mjólkursopi hvolpsins er broddmjólk, mjólk sem móðirin framleiðir og styrkir ónæmiskerfi hvolpsins.
Nýburar
Nýburaskeiðið er frá fæðingu og til um það bil þriggja vikna aldurs. Þetta skeið má einnig kalla hvíldarfasa, þar sem að utan virðist mestur hluti lífs þeirra einkennast af svefni og nokkrum viðbragðsathöfnum.
0 - 3 vikna
Hegðun
Meirihluti þessa vaxtaskeiðs fer í að nærast og hvílast. Þetta er nauðsynlegt fyrir heilbrigðan þroska og gæta skal að því að trufla ekki hvolpa eða móður að óþörfu. Hvolparnir sjá að mestu leyti um að koma sér til móður en regluleg snerting ræktanda til hvolps hjálpar honum að læra á mannleg samskipti síðar meir.
0 - 3 vikna
Þroski
Augu hvolpa byrja að opnast um það bil 10-14 dögum eftir fæðingu og á þriðju vikunni byrja eyrun smám saman að virkjast. Bæði skynfærin eru veik í fyrstu en ná fullri færni eftir því sem þau þróast.
0 - 3 vikna
Heilsa
Ábyrgur ræktandi tryggir öryggi hvolpanna fyrstu vikur lífsins og tryggir dýralæknaskoðun sé eitthvað athugavert við hvolpana.
0 - 3 vikna
Næring
Eftir fæðingu munu hvolparnir halda áfram að reiða sig á móður sína fyrir mikilvæg prótein sem þeir þurfa til þess að þroskast. Þegar þeir eldast geta farið að sýna áhuga á mat móður sinnar. Með því að kynna inn fasta fæðu hefst afvönunartímabilið.
Afvönun
Afvönun er tímabilið þar sem hvolparnir hætta að reiða sig alfarið á spena og byrja að borða fasta fæðu. Á þessu tímabili byrjar hvolpurinn að öðlast sjálfstæði. Á þessu stigi er mikilvægt að aðlaga fóðrið að þroska meltingarvegar hvolpsins.
4 - 8 vikna
Hegðun
Fyrstu skrefin eru tekin og hvolparnir byrja að leika sér og slást við systkini sín. Hvolparnir gætu jafnvel byrja að æfa sig að urra og dilla rófunni þegar félagsleg samskipti hefjast.
4 - 8 vikna
Umhverfi
Fjölbreytt umhverfi styður við andlegan og líkamlega þroska hvolpsins. Ábyrgur ræktandi tryggir aukin mannleg samskipti við hvolpinn á þessu tímabili, úrval af leikföngum og fjölbreyttu áreiti til þess að styðja við umhverfisþjálfun hvolpsins.
4 - 8 vikna
Heilsa
Hvolparnir ættu nú að geta pissað og losað hægðir án hjálpar móður sinnar. Ef þessa hæfni skortir hjá hvolpi á þessum aldri er mikilvægt að ráðfæra sig við dýralækni.
4 - 8 vikna
Næring
Á afvönunartímabilinu sér móðirin hvolpunum enn fyrir þeim næringarþörfum sem til staðar eru. Langstærstur hluti fæðunnar kemur úr mjólkinni, en hvolparnir nærast þó á sérstöku hvolpafóðri til þess að styðja við heilbrigðan vöxt þeirra. Flestir hvolpar eru hér tilbúnir að drekka vatn úr grunnri skál.
Hvolpatímabil
Hvolparnir byrja að læra að búa með öðrum. Lærð hegðun á þessu stigi hefur mikil áhrif á framtíð hvolpsins.
8 vikna +
Þroski
Hæðar- og vöðvavöxtur hvolpsins á sér að mestu leyti stað milli sex til níu mánaða aldurs, allt eftir stærð tegundarinnar. Fullorðinstennur koma í stað mjólkurtanna og fullorðinsfeldur kemur í stað hvolpafelds. Einhvern tímann milli sex til tólf mánaða byrjar svo fyrra kynþroskatímabil þar sem rakki gæti farið að lyfta löpp eða tík byrjað á fyrsta lóðaríinu.
8 vikna +
Umhverfi
Að tryggja að hvolpurinn hafi sinn stað til að nærast, hvílast og úrval af leikföngum til þess að leika sér með mun styðja við öryggi og þroska hans á nýju heimili. Að kanna fjölbreytta útiveru og upplifa stærri heim mun örva námsþroska, efla sjálfstraust og styrkja tengslin milli hvolps og eiganda.
8 vikna +
Heilsa
Þetta er góður tími til þess að setja upp áætlun fyrir hreyfingu og þjálfun sem eru sniðnar að þroskastigi hvolpsins. Að tileinka sér góðar venjur núna mun stuðla að þroska og undirbúa hvolpinn fyrir heilbrigða framtíð. Ræddu við dýralækninn þinn um bólusetningaáætlun og heilsu hvolpsins þíns.
8 vikna +
Næring
Þetta er lykilstig í líkamlegum þroska hvolpa, það er því mikilvægt að tryggja að þeir nærist á fóðri sem er hannað til að mæta þessu tiltekna vaxtaskeiði og mætir þörfum stærðar hundategundarinnar. Sjá nánari upplýsingar um næringarráðgjöf hvolpa með því að skoða hvolpafóðrið okkar.
Að verða fullorðinn
Þótt þær séu allar af sama kyni geta mismunandi hundategundir verið mjög ólíkar hvað varðar stærð, þyngd og næringarþarfir. Þessi atriði koma í ljós á vaxtaskeiði hvolpanna. Mismunandi stærðir hunda ná allar fullorðinsaldri á mismunandi aldri. Þegar hvolpur verður fullorðinn breytast næringarþarfir hans miðað við stærð, tegund og lífsstíl.
12 - 24 mánaða
Þroski
Lengd vaxtaskeiðs veltur á stærðar tegundarinnar. Sérstaklega litlar tegundir ná fullum þroska um 8 mánaða aldur á meðan risategundir eru ekki taldar fullvaxta um tveggja ára aldur. Stórar hundategundir eru að vaxa til um það bil 8-9 mánaða aldurs, eftir það tekur við gífurlegur þroski vöðva þar til þeir ná fullorðinsþyngd.
Sérsniðin næring fyrir hvolpinn þinn
ROYAL CANIN® hvolpafóðrið eflir vöxt og þroska. Í því eru öll næringarefni sem eru nauðsynleg fyrir hvolpa fyrsta árið ásamt CELT andoxunarblöndu sem styður við ónæmiskerfi hvolpsins.
Rétta fóðrið fyrir hundinn þinn
Fullorðinsfóðrið veitir næringu sem er sniðin að heilsuþörfum hundsins, allt eftir því hver stærðin, kynið, aldurinn eða lífsstíllinn er.
