Heilbrigð jörð

Vísindi og nýsköpun skipta máli í fyrirtæki okkar og við höfum að leiðarljósi: Minni sóun í dag gerir heiminn betri á morgun. Vatnsskortur hefur áhrif á um 40% heimsbyggðarinnar og varnaðarorð vísindamanna eru á þá lund að við þurfum að halda hlýnun andrúmslofts jarðar innan við 2°C til að afstýra verstu hugsanlegu afleiðingum loftslagsbreytinga.

100% sjálfbærni í öflun fisks

Við náðum að afla 100% af fiski og sjávarfangi með sjálfbærum hætti árið 2020. Við skuldbindum okkur til að gera rannsóknir og tileinka okkur leiðir til sjálfbærni í framleiðsluferli okkar. Í því felst til dæmis að fá vottaðar afurðir frá vottuðum aðilum (JFFO, RS) eða að taka þátt í veiðiþróunarverkefni á sjó (FIP) með einum af byrgjum okkar, sem felst í að byggja upp sjálfbæra fiskiafurðakeðju. Við erum í framrás og notum annað hráefni í stað fisks og sjávarfangs þegar þess er kostur. Árið 2018 var yfir 90% af hráefni okkar úr fiski og sjávarfangi af sjálfbærum uppruna.

Brasilísku skógarreglurnar hafðar í heiðri

Við höfum heitið því að draga úr áhrifum okkar á skógareyðingu. Við viljum ná þessu markmiði með því að fá brasilískt soja frá birgjum sem uppfylla ströng skilyrði um ábyrga landnotkun í aðfangakeðjum þeirra. Við leggjum metnað okkar í að tryggja að 100% af sojanu sem við kaupum í Brasilíu komi frá starfsemi sem er í samræmi við brasilísku skógarreglurnar. Við vinnum að þessu með leiðandi sojabirgjum.

Að auki erum við aðilar að RTRS, opinberum samtökum sem stuðla að ábyrgri framleiðslu, vinnslu og viðskiptum með soja. Við störfum náið með bæði RTRS og ProTerra að því að ná markmiðum okkar. Í lok árs 2018 mun 100% af sojanu sem við kaupum frá Brasilíu vera unnið í samræmi við brasilísku skógarreglurnar.

Metum umhverfisáhrif af 100% þess hráefnis sem við notum fyrir árið 2020

Við erum að meta vatns- og kolefnisfótspor auk landnýtingar allra hráefnistegundanna okkar, sem eru yfir 250 talsins. Þetta gerir okkur kleift að fínstilla vörublöndur okkar og innkaupastefnu með tilliti til umhverfisáhrifa.

A school of fish swimming in the sea
Brazilian forest from above the trees
man checking wheat in a field

Bætt orkunýtni

Við stefnum að því að draga úr notkun jarðefnaeldsneytis við beina starfsemi okkar fyrir árið 2040 og höfum tilgreint fjórar meginleiðir til að ná markmiðinu. Rekstrarskilvirkni: Að draga úr orkunotkun, vatnsnotkun og sóun með breytingum á venjum og hegðun. Skilvirkni í fjárfestingum: Að fjárfesta í skilvirkari búnaði og ferlum. Ný tækni: Að þróa og innleiða nýjungar sem breyta því hvernig við gerum hlutina. Endurnýjanleg orka: Að vinna með samstarfsaðilum að því að framleiða hreinni orku. Verksmiðjur okkar í Bandaríkjunum eru nú þegar knúnar áfram af vindorkuveri og við erum að vinna að ýmsum verkefnum sem miða að nýtingu sólar- og vindorku í þeim löndum sem við störfum.

Enginn úrgangur til urðunar

Frá árinu 2015 hafa verksmiður okkar ekki sent neinn úrgang til urðunar. Markmið okkar er ekki aðeins að viðhalda því, heldur einnig að draga úr hreinu virði úrgangs okkar og halda áfram að gera hann endurvinnanlegri.

Minni vatnsnotkun

Hver einasti vatnsdropi er dýrmætur og við þurfum að nota vatn í framleiðsluferlinu okkar. Á sumum svæðunum okkar er vatnsskortur yfirvofandi, til dæmis í Argentínu, Kína, Suður-Afríku, Frakklandi og Bandaríkjunum. Á þessum svæðum einbeitum við okkur að sjálfbærri nýtingu vatnsins og hyggjumst draga hnattrænt úr vatnsnotkun í framleiðslustöðvum okkar.

A row of wind turbines outdoors
Recycling logo
Royal Canin factory

Skuldbindingar varðandi ytri umbúðir (pappírsmauk og pappír)

Skógar gegna mikilvægu hlutverki við bindingu kolefnis. Eyðing skógarþekju getur aukið verulega losun gróðurhúsalofttegunda. Frumskógar eru líka heimkynni helmings allra þekktra plantna og dýrategunda. Skógarnir hafa áhrif á úrkomumynstur og lífsviðurværi milljóna manna í dreifbýli.

Hægt er að skipta umbúðum í tvennt; innri umbúðir (poka) og ytri umbúðir (einkum pappa). Við höfum skuldbundið okkur til að tryggja að 100% af pappírsmauki og umbúðum úr pappír verði af vottuðum, sannprófuðum eða endurunnum uppruna fyrir 2020.

Endurvinnanlegar pakkningar

Við skuldbindum okkur til að hafa allar umbúðir ROYAL CANIN 100% endurvinnanlegar fyrir árið 2025. Á síðustu árum höfum við gert átak í að endurhanna allar pakkningar okkar með umhverfissjónarmið að leiðarljósi. Við notum minna efni, minna blek og við nýtum plássið betur. Um þessar mundir vinnum við að því að tryggja að allar umbúðir okkar verði endurvinnanlegar í öllum löndum þar sem við erum með starfsemi.

Við höfum átt í löngu þróunarsamstarfi við þá aðila sem selja okkur pakkningarnar og höfum það að markmiði að þær verði 100% endurvinnanlegar. Við höfum einnig tekið höndum saman við alþjóðlegar stofnanir eins og CEFLEX í Evrópu, The Ellen Mc. Arthur-stofnunina og The Sustainable Packaging-samsteypuna í Bandaríkjunum til að hrinda af stað hnattrænni hreyfingu í tengslum við pökkunariðnaðinn.

A factory worker stood next to flat cardboard boxes
Shot of kitten products in bags and pouches
Content Block With Text And Image 3

Næring sem eykur vellíðan

Nærandi velferð hjálpar okkur og samstarfsaðilum okkar að ná meginmarkmiði heilbrigðrar næringar - að skapa BETRI HEIM FYRIR GÆLUDÝR.

Lesa meira
Content Block With Text And Image 4

Blómlegt mannlíf

Markmið okkar er að nýta styrk okkar til að skapa verðmæti þar sem við erum með starfsemi.

Lesa meira