Að kynna hvolpinn þinn fyrir börnum, fullorðnum og öðrum gæludýrum

Það getur verið ógnvekjandi fyrir ungan hvolp að hitta nýtt fólk og ný dýr. Neikvæð reynsla getur haft langvarandi áhrif. Þess vegna skiptir máli að vita hvernig best er að haga viðkynningu á varfærinn hátt.

Sleeping Labrador Retriever puppy being passed to a young girl

English Cocker Spaniel puppy playing indoors next to a window with owner

Jafnvel þegar hvolpurinn hefur tekið þig og aðra fjölskyldumeðlimi í sátt getur hann orðið kvíðinn við að hitta annað fólk. Hér eru helstu ráð okkar til að tryggja það gangi sem best fyrir sig að kynna hann fyrir ókunnugum.

Takmarkaðu heimsóknir

Fyrstu dagana sem hvolpurinn er á heimilinu, borgar sig að takmarka heimsóknir.

Hvolpur kynntur smám saman fyrir nýju fólki

Það getur verið yfirþyrmandi fyrir hvolp að hitta stóran hóp af fólki í einu. Gefðu honum frekar tækifæri á að kynnast einum og einum í einu.

Talaðu rólega

Biddu fólk um að halda spenningi sínum í skefjum þegar það hittir hvolpinn þinn og nota rólegan tón og hægar hreyfingar.

Láttu hvolpinn taka fyrsta skrefið

Hvolpum getur fundist sér ógnað ef komið er of hratt að þeim eða ef fólk réttir þá á milli sín. Best er að biðja fólk um að sitja rólegt og bíða eftir að hvolpurinn komi sjálfur til þeirra.

Taktu því rólega

Gefðu hvolpinum nægan tíma til að kynnast hverjum og einum. Ef þetta ferli gengur vel fyrir sig, verður auðveldara fyrir hann að kynnast nýju fólki.

Skoðaðu líkamstjáninguna

Fylgstu með merkjum um að hvolpurinn þinn sé áhyggjufullur, forðist til dæmis augnsamband eða beri skottið lágt. Ef það gerist, skaltu fara með hann út úr herberginu svo hann geti verið einn í næði í svolitla stund.

Það er eðlilegt að börn séu spennt fyrir því að fá hvolp á heimilið. Það skiptir máli að þú undirbúir börnin og útskýrir fyrir þeim að þau þurfi líka að stuðla að því að hann þroskist vel og verði öruggur og hamingjusamur.

Brown Labrador Retriever puppy being introduced to children by new owner

German Pinscher puppy standing outside with two children

Jafnvel þótt þú sért ekki með börn á heimilinu er gott að kynna hvolpinn fyrir börnum. Annars gæti hann orðið órólegur í kringum þau síðar á lífsleiðinni. Hér eru nokkur lykilatriði til að muna.

Biddu börnin að sitja róleg

Kenndu börnunum að sitja róleg og leyfa hvolpinum að koma til þeirra svo honum bregði ekki eða hann verði hræddur.

Kenndu börnunum að meðhöndla hann af varfærni

Sýndu börnum hvernig á að klappa hvolpinum og hvernig þau geta haldið undir afturendann og kviðinn ef þau taka hann upp. Best væri þó að börnin héldu alls ekki á hvolpinum í byrjun. Það þarf líka að benda þeim á að faðma hann ekki of mikið og vasast ekki of mikið í honum.

Ró og næði til að sofa og borða

Til að forðast bit og klór þurfa börn að læra að nauðsynlegt sé að leyfa hvolpum að sofa og borða í friði.

Ekki stríða eða æsa upp

Ekki leyfa börnum að stríða hvolpinum með leikföngum eða mat. Og gakktu úr skugga um að þau skilji að þau verði að vera róleg og meðhöndla hvolpinn ekki sem leikfang.

Fylgstu alltaf með

Börn ættu aldrei að vera skilin ein eftir með hvolpi og því ætti einhver fullorðinn ávallt að vera til staðar þegar börn og hvolpar leika sér saman.

Gæludýr geta verið mjög heimarík svo það er mikilvægt að þú sýnir hugulsemi þegar þú kynnir hvolpinn fyrir öðrum gæludýrum. Hér eru nokkur atriði sem er gott að hafa í huga.

American Cocker Spaniel puppies standing outdoors next to a tree

Kynningargátlisti

Leyfðu honum að kynnast lyktinni

Áður en hvolpurinn kemur með þér heim er sniðugt að láta hann fá teppi með lykt af gæludýrinu sem er fyrir á heimilinu. Sömuleiðis er góð hugmynd að láta gæludýrið á heimilinu fá teppi með lykt af nýja hvolpinum. Þá verður lyktin kunnugleg þegar þau hittast í fyrsta sinn.

Athugaðu bólusetningar

Gakktu úr skugga um að hvolpurinn þinn hafi verið bólusettur áður en þú kynnir hann fyrir öðrum hundum.

Dragðu úr ógninni

Kynntu önnur gæludýr fyrir nýja hvolpinum þínum eitt í einu á hlutlausu svæði, eins og t.d. úti í garði eða í almenningsgarði, svo þeim finnist sér síður ógnað. Hafðu bæði dýrin í bandi og gefðu þeim góðan tíma til að þefa af og venjast hvort öðru.

Haltu þolinmæðinni

Forðastu að refsa öðrum gæludýrum ef þau bregðast ekki við með jákvæðum hætti. Dýr þurfa að koma sér upp eigin reglum og stigveldi til að lifa í sátt og samlyndi og eldri gæludýr taka oftast stjórnina við það.

Öruggt svæði

Sjáðu til þess að hvolpurinn þinn hafi greiðan aðgang að stað sem hann getur flúið á þegar hann er þreyttur eða honum finnst eitthvað yfirþyrmandi.

Fylgstu alltaf með

Skildu hvolpinn aldrei einan eftir með öðrum gæludýrum.

Gerðu ráð fyrir persónulegu rými

Hvert gæludýr þarf sitt eigið svæði þar sem það getur hvílt sig og borðað ótruflað, svo þú skalt passa upp á að gæludýrin þín hafi hvert sitt eigið rúm og svæði til að matast á. Sérstaklega þurfa kettir að geta komist í ró og næði þar sem hvolpurinn nær ekki til þeirra.

Fyrstu dagar og vikur hvolpsins þíns

Fyrstu dagarnir og vikurnar sem hvolpurinn þinn er á nýja heimilinu skipta sköpum í myndun góðra tengsla milli ykkar. Leyfðu hvolpinum að aðlagast, komdu reglu á líf hans og haltu áreiti í lágmarki.

Fyrstu dagarnir og vikurnar