Fyrstu dagarnir og vikurnar með nýja hvolpinum þínum

Það er spennandi að bjóða nýjan hvolp velkominn á heimilið, en fyrstu dagarnir geta líka verið stressandi fyrir bæði þig og hann. Hér eru nokkur atriði sem gott er að hafa í huga til að hjálpa hvolpinum þínum að koma sér fyrir.

English Cocker Spaniel puppy black and white

Fyrsti dagur hvolpsins á nýja heimilinu

Það er stór dagur í lífi hvolpsins þegar hann flytur að heiman frá mömmu sinni og systkinum. Til að auðvelda honum heimkomuna og til að hann geti gert sig heimakominn, skaltu fylgja þessum ráðum.

1/5

Sjáðu til þess að friður og ró ríki á heimilinu

Hvolpurinn kann að verða hálfhræddur við nýja sjónræna og hljóðræna áreitið, nýju lyktina og aðskilnaðinn frá mömmu sinni. Þess vegna skaltu sjá til þess að friður og ró sé á heimilinu svo hann verði ekki enn óöruggari.

2/5

Farðu með hann út

Um leið og þú kemur heim skaltu fara með hvolpinn út í garð eða á útisvæði svo hann geti gert stykkin sín. Ef honum tekst það skaltu verðlauna hann með jákvæðum raddblæ.

3/5

Leyfðu hvolpinum að skoða sig um

Eftir að hvolpurinn þinn hefur verið úti skaltu fara með hann inn á öruggt svæði sem þú hefur lokað af og leyfa honum að þefa og skoða sig um á sínum hraða.

4/5

Umsjón á öllum tímum

Hafðu stöðugt eftirlit með hvolpinum þínum á meðan hann er að venjast heimili þínu og garði. Leyfðu hvolpinum þínum að koma til þín þegar hann þarf að láta hughreysta sig frekar en að hafa það á hinn veginn, vegna þess að sumum hvolpum getur fundist of mikil mannleg snerting yfirþyrmandi.

5/5

Sýndu hvolpnum rúmið sitt

Settu eitthvað með lyktinni þinni í rúm hvolpsins og teppi til að hjúfra sig að. Að setja klukku með háværu tifi nálægt getur einnig hjálpað, því það minnir á hjartslátt móðurinnar.

White Schnauzer puppy running through grass

Dalmatian puppy running outdoors in a garden

English Cocker Spaniel puppy indoors on a grey carpet

English Cocker Spaniel puppy stood indoors looking out of a window

Hvolpum finnst gott að vita við hverju þeir eiga að búast. Skipuleggðu rútínuna sem þú ætlar að hafa fyrir fóðrun, klósettferðir, hreyfingu og snyrtingu og þá geturðu byrjað strax á fyrsta degi. Ef þú veist hvaða rútínu ræktandinn fylgir áður en þú sækir hvolpinn, þá er best að halda henni áfram til að veita stöðugleika þar til hvolpurinn hefur komið sér fyrir.

Fyrsta nótt hvolpsins á nýja heimilinu

Hvolpar eru að sumu leyti eins og kornabörn. Sumir aðlagast auðveldlega og sofa vært frá fyrstu nótt meðan aðrir hvolpar halda vöku fyrir heimilisfólkinu meðan þeir eru að aðlagast nýja heimilinu. Sýndu þolinmæði og staðfestu og fylgdu þessum ráðum.

1/2

Að nota hvolpakassa

Rimlakassi hentar betur sem hvolparúm en karfa til að byrja með, vegna þess að hvolpurinn sér þig og finnur lyktina af þér, en getur ekki ráfað burt. Til að byrja með skaltu hafa hann einhvers staðar nálægt þar sem þú sefur.

2/2

Ef hvolpurinn þinn vælir

Ef hvolpurinn þinn vælir og þú heldur að hann þurfi að gera þarfir sínar skaltu setja hann í taum og fara með hann þangað sem hann má létta á sér. Ef þú heldur að hann sé einmana eða hræddur, talaðu þá rólega og hughreystandi við hann en ekki snerta hann eða leika við hann. Ef þú gerir of mikið veður út af vælinu er hugsanlegt að hann noti vælið til að kalla á athygli en ef þú hunsar það getur það valdið kvíða eða óöryggi hjá honum.

Hungarian Vizsla puppy sleeping on a white blanket

English Cocker Spaniel puppy lying down next to a sofa

Hvolpar þreytast auðveldlega og þurfa mikinn svefn til að öðlast heilbrigðan þroska og líða vel, svo mikilvægt er að gefa þeim sem flest tækifæri til að hvíla sig. Til að byrja með þurfa hvolpar allt að 18 til 20 tíma svefn á hverju 24 klukkustunda tímabili. Það mun svo minnka í um það bil 12 til 14 klukkustundir þegar þeir ná fullorðinsaldri.

Hvernig fóðra skal hvolpinn fyrst um sinn

Fyrsta skiptið sem þú fóðrar hvolpinn markar mikilvæg tímamót. Að skilja hvað hann þarf á þeim tímapunkti mun hjálpa þér að gera upplifunina jákvæða.

Gefðu sama fóður í byrjun

Fyrstu eina eða tvær vikurnar eftir að hvolpurinn kemur heim til þín skaltu gefa honum sama fóður og hann er vanur og fylgja leiðbeiningum á umbúðunum. Snöggar breytingar á fóðri geta valdið meltingartruflunum.

Bjóddu upp á rólegan stað til að borða

Þetta ætti að vera fjarri þeim stað sem þú og önnur gæludýr borða. Leyfðu hvolpinum að vera í friði á meðan hann borðar til að koma í veg fyrir að hann finni til kvíða eða fari í vörn.

Að hefja fóðrunaráætlun

Hundum finnst hughreystandi að vita hvenær þeir fái að borða svo þú skalt vinna eftir fóðrunaráætlun frá fyrsta degi. Við afvenslun þurfa þeir fjórar máltíðir á dag og þangað til þeir eru að minnsta kosti fjögurra mánaða gamlir þurfa þeir þrjár máltíðir á dag. Ef þú ert óviss á einhverjum tímapunkti skaltu fá ráð hjá dýralækninum þínum.

Lestu um næringu og hvolpafóður

Best er að gefa ungum hvolpum þrjár til fjórar máltíðir á dag í stað einnar eða tveggja stórra máltíða. Þú getur notað hluta af fóðurskammti dagsins sem verðlaun fyrir góða frammistöðu í þjálfun. Með því móti kemur þú í veg fyrir að hann borði of mikið.

how to transition onto new food illustration

Örugga aðferðin við að breyta mataræði hvolpsins

Hvolpar eru með viðkvæmt meltingarkerfi sem bregst ekki vel við skyndilegum breytingum. Þegar þú vilt skipta um fóður er mikilvægt að fara hægt og rólega í það til að koma í veg fyrir ólgu í maga. Sjáðu leiðbeiningarnar okkar um hvernig á að breyta mataræði hvolpsins þíns á öruggan hátt.

Lesa meira

Fóðrun hvolpsins

Með því að skilja vel næringu og matarvenjur hunda geturðu veitt hvolpinum þínum eins heilbrigt upphaf ævinnar og kostur er.

Fóðrun hvolpsins

Labrador puppy black and white eating from red bowl

Golden Retriever puppy sitting on a table being examined by a vet

Farðu með hvolpinn til dýralæknis

Þú gætir þurft að fara með hvolpinn í skoðun eftir að hann hefur fengið nokkra daga til að koma sér fyrir hjá þér. Dýralæknirinn mun setja saman bólusetningaráætlun fyrir hvolpinn vegna þess að nauðsynlegt er að bólusetja hann áður en hann má hitta aðra hunda. Dýralæknirinn mun jafnframt veita þér ráð um allt frá ormahreinsun til næringar.

Með hvolpinn í fyrsta sinn til dýralæknis

Ef þú hefur áhyggjur af heilsufari hvolpsins þíns nokkrum dögum eftir heimkomuna borgar sig að fara til dýralæknis og biðja hann skoða hvolpinn. Með réttum undirbúningi getur fyrsta heimsóknin til dýralæknisins verið ánægjuleg reynsla fyrir hvolpinn. Hún er líka gott tækifæri fyrir þig til að læra meira um umönnun hvolpsins.

Í fyrsta sinn til dýralæknis

Að umhverfisþjálfa hvolpinn

Hér eru nokkrar leiðir til að umhverfisþjálfa hvolpinn fyrstu vikuna.

Að kynna ný hljóð fyrir hvolpinum

Hundar heyra mjög vel og þeir geta orðið hræddir við ákveðin hljóð. Fyrstu vikuna eftir að hvolpurinn kemur inn á heimilið skaltu kynna hann fyrir ólíkum hljóðum eins og tónlist, hljóðunum í hárblásara, dyrabjöllu og ryksugu. Þetta á að vera ánægjuleg reynsla fyrir hvolpinn og þú getur stuðlað að því með því að leika við hann á meðan eða gefa honum hundanammi. Hafðu hljóðin lág í byrjun svo hvolpurinn verði ekki hræddur. Síðan getur þú smám saman hækkað hljóðin þegar hann er farinn að þekkja þau.

Hjálpaðu hvolpinum að skoða sig um

Hvolpurinn verður að læra hvernig á að takast á við fjölbreytt umhverfi, yfirborð og hindranir. Þess vegna skaltu hjálpa honum af stað með því að sýna honum stiga eða þrep og yfirborð af ýmsu tagi.

Ferðast í bíl

Hvort sem það er til að fara til dýralæknisins eða eitthvert annað yfir daginn er líklegt að hvolpurinn þinn muni þurfa að ferðast í bíl á einhverjum tímapunkti fljótlega. Þess vegna er gott að láta hann venjast því sem fyrst.

Vendu hvolpinn þinn við meðhöndlun

Dýralæknirinn mun vilja kanna hvolpinn þinn frá trýni aftur á skott. Best er að venja hann blíðlega við að vera tekinn upp og meðhöndlaður um allan skrokkinn og tryggja að það sé notaleg upplifun strax frá upphafi.

Notaðu búr

Hvolpurinn ætti að sofa í búri yfir nóttina en það er jafnframt skynsamlegt að venja hann á að hvíla sig þar í einhvern tíma yfir daginn. Það er heppilegt ef þú vilt til dæmis að hann sé í öruggu skjóli þegar gestir koma í heimsókn. Vertu viss um að hvolpurinn sé orðinn vanur búrinu áður en þú lætur hann sofa í því alla nóttina.

Hvettu til tengsla við alla í fjölskyldunni

Hvolpurinn þarf að eiga samskipti við fleiri en þig svo þú skalt sjá til þess að hann verji tíma með öllum í fjölskyldunni og myndi tengsl við alla fjölskylduna. Góð leið til að mynda tengsl er að hver og einn fjölskyldumeðlimur taki að sér ákveðna þætti í umönnuninni, gefi hvolpinum að borða, fari með hann út til að gera þarfir sínar eða snyrti feldinn.

Lærðu um félagsmótun hvolpsins þíns

Hluti af ábyrgð þinni sem gæludýraeiganda er að hjálpa hvolpinum þínum að venjast heiminum og finna til öryggis í nýjum aðstæðum. Þú getur auðveldað félagsmótun hvolpsins með því að kynna hann smám saman fyrir nýjum upplifunum.

Að umhverfisþjálfa hvolpinn

Að kynna hvolpinn fyrir börnum, fullorðnum og öðrum gæludýrum

Þegar þú kynnir hvolpinn þinn fyrir nýju fólki og öðrum dýrum ertu í raun að undirbúa hann fyrir tengsl við fólk og dýr í framtíðinni. Það skiptir höfuðmáli að fara rétt að.

Kynntu hvolpinn þinn

Vöku- og svefntími hvolpsins þíns

Fyrstu dagana og vikurnar er áríðandi að þú tryggir að hvolpurinn aðlagist nýju fjölskyldunni vel, hann dafni og verði heilbrigður hundur sem hegðar sér vel. Best er að þú takir þér frí frá vinnu fyrstu vikuna ef þú átt þess kost. Þá getur þú einbeitt þér að því að fastsetja venjur. Það eykur öryggiskennd hvolpsins sem skilur þá til hvers er ætlast af honum.

1/5

Út að gera þarfir sínar

Ungir hvolpar hafa enga stjórn á þvagblöðrunni og þurfa að gera þarfir sínar um leið og þeir eru búnir að borða, drekka, sofa eða leika sér. Gerðu það að þínu fyrsta verki á morgnana að fara út með hvolpinn og láttu hann alltaf gera þarfir sínar á sama staðnum. Þetta þarf líka að gera eftir hverja máltíð, eftir hvern lúr og áður en farið er að sofa á kvöldin. Notaðu einfalda skipun og alltaf þá sömu, til dæmis „pissa“. Fylgstu líka vel með merkjum um að hvolpurinn þurfi að gera þarfir sínar, til dæmis ef hann snýr sér í hringi og þefar af gólfinu.

2/5

Fóðrun

Fóðraðu hvolpinn á sama tíma og sama stað á hverjum degi, svo að hann viti hvenær hann geti búist við því. Þegar þú tekur hvolpinn heim ætti að hann að vera hættur á móðurmjólkinni og í flestum tilvikum farinn að borða þrisvar sinnum á dag.

3/5

Hreyfing

Líkamleg þjálfun er lífsnauðsynlegur hluti af daglegri rútínu hvolpsins til að hjálpa honum að halda góðri heilsu. Þegar hann hefur verið bólusettur getur hann farið í göngutúra. Farðu með hann tvisvar á dag en takmarkaðu hvern göngutúr við 15 mínútur til að byrja með.

4/5

Hegðun

Þótt þú verðir að fara blíðlega að hvolpinum þínum er mikilvægt að þú beitir samkvæmni frá upphafi svo hann læri húsreglur á borð við að ekki megi klifra í sófanum.

5/5

Æfingatímar

Þegar hvolpurinn er orðinn bólusettur eru regluleg námskeið frábær leið til að félagsmóta hann og venja hann við góða hegðun. Mundu að æfa líka á hverjum degi það sem þú lærir á námskeiðunum.

Border Collie puppy standing outdoors in grass

Akita puppy lying down next to a stainless steel feeding bowl

Australian Shepherd puppy running outdoors with a stick

Springer Spaniel puppy sitting in long grass next to its owner

German Shepherd puppy standing on a box outdoors

1/3

Hreyfing

Góð hreyfing fyrir svefninn eykur líkur á að hvolpurinn sofi vel. Það er því góð hugmynd að fara með hann í gönguferð seint að kvöldi.

2/3

Út að gera þarfir sínar

Ef þú ferð með hvolpinn þinn í göngutúr rétt fyrir háttatíma hefur hann tækifæri til að gera stykkin sín. Ef þú gerir það ekki þarftu að fara með hvolpinn út að hefðbundna klósettstaðnum hans á háttatíma. Einnig þarf að fara með unga hvolpa út á klósettstaðinn á um það bil þriggja tíma fresti yfir nóttina.

3/3

Samskipti

Til að byrja með er best fyrir hvolpinn að sofa í kassa nálægt svefnstaðnum þínum. En haltu samskiptum í lágmarki þegar þú hefur komið honum í háttinn. Sefaðu hann með hughreystandi rödd ef hann vælir en ekki knúsa hann - og ef þú þarft að fara með hann að pissa skaltu gera það í kyrrð og ró.

Young adult Dalmatians running through long grass and plants outdoors

Beagle puppies standing on a rug indoors playing with a ball

Fyrsta gönguferð hvolpsins þíns

Þegar hvolpurinn er orðinn bólusettur og dýralæknirinn hefur staðfest að hann megi hitta aðra hunda þarftu að fara með hann í gönguferð tvisvar á dag. Fyrsta gönguferðin er mikilvægur viðburður og þú skalt leggja þig fram um að gera hana ánægjulega svo hann hafi fullt sjálfstraust í ferðirnar sem á eftir koma.

Fylgdu skrefunum hér fyrir neðan til að tryggja vel heppnað upphaf á gönguferðum hvolpsins.

1/4

Veldu réttu ólina og tauminn

Spurðu dýralækninn ráða varðandi hvaða tegund af ól og taumi sé best fyrir hvolpinn. Útdraganlegur taumur er gagnlegur til að byrja með svo ólin togi ekki stöðugt í háls hvolpsins. Tryggðu að ólin passi vel og geti ekki dregist yfir höfuðið.

2/4

Æfðu þig heima

Láttu hvolpinn þinn venjast ólinni og taumnum þar sem honum líður vel. Styttu smám saman í taumnum og hvettu hvolpinn til að fylgja þér. Í stað þess að toga í tauminn skaltu beygja þig niður í hvert skipti sem þú breytir um stefnu og hvetja hann til að koma með þér.

3/4

Finndu rólegt svæði

Þegar hvolpurinn þinn fer í fyrsta sinn út að ganga skaltu velja rólegt svæði þar sem ekki er hætta á að hann verði hræddur, til dæmis vegna mikils fjölmennis eða hávaða.

4/4

Stuttur tími

Í byrjun skaltu ekki fara í lengri gönguferðir með hvolpinn en fimm til tíu mínútur svo hann þreytist ekki og áreitið verði honum ekki ofviða. Á næstu dögum og vikum getur þú lengt gönguferðirnar í 15 til 20 mínútur.

Beagle puppy standing outdoors on a lead

Husky puppy walking outdoors through grass

Welsh Pembroke Corgi puppy running outdoors on a lead

Milli fjögurra og 16 vikna þroskast heilinn talsvert og þá eru hvolparnir eru tilbúnari að reyna eitthvað nýtt. Þetta er tilvalinn tími til að byrja að kynna nýjungar fyrir þeim og hefja grunnþjálfunina. Ef ungir hvolpar kynnast ekki ólíkum hlutum, hljóðum, lykt, áferð, fólki og gæludýrum getur það valdið hegðunarerfiðleikum og tilfinningaflækjum þegar þeir eldast.

Þjálfun hvolpsins

Auk umhverfisþjálfunar getur grunnþjálfun aukið sjálfstraust hvolpsins þíns. Hundur sem hegðar sér vel getur líka farið með þér mjög víða.

Þjálfun hvolpsins

Skoða hvolpavörur

Næring sem er sérsniðin að þörfum hvolpa eftir mismunandi aldri, stærð og hundakyni.