Fóðrun og næring hvolpa
Hvolpar vaxa hratt en meltingarkerfi þeirra og ónæmiskerfi þroskast hægt og því þurfa þeir að fá sérstakt fóður sem er ekki eins og fóður fyrir fullorðna hunda. Það skiptir höfuðmáli að þú gefir hvolpinum þínum fóður sem er sérstaklega hannað til að mæta næringarfræðilegum þörfum hans. Með því stuðlar þú að eðlilegum þroska hans og leggur grunninn að heilbrigði í framtíðinni.
Ástæða þess að fóðrun hvolpsins er jafn mikilvæg og raun ber vitni
Hvolpar ganga í gegnum mikilvægt vaxtar- og þroskaskeið Fóðrun þeirra á þessum tíma skiptir höfuðmáli og hefur áhrif á heilbrigði þeirra þegar þeir eldast.
Hvernig næringarþörf hvolpsins breytist
Matarþarfir hvolpsins breytast með hverju þroskastigi í átt að fullorðinsaldrinum, en mismunandi hundakyn verða fullþroska á mismunandi aldri. Til að tryggja að hvolpurinn fái viðeigandi stuðning allan tímann sem hann er að vaxa ætti hann að vera á sérstöku hvolpafæði þar til hann nær fullorðinsaldri.
Mánaðargamlir
Þegar hvolpar eru mánaðargamlir má smám saman byrja að venja þá af spena og á fasta fæðu. Þeir þurfa næringarefni sem byggja upp náttúrulegt varnarkerfi og styrkja „góðu bakteríurnar“ í viðkvæmu meltingarkerfinu.
Tveggja til fjögurra mánaða
Á þessu stigi er áhersla lögð á að styðja uppbyggingu beina og stoðkerfis hvolpsins með vandlega stýrðu magni af kalsíum, fosfór og D-vítamíni.
Hvenær verður hvolpurinn þinn fullorðinn?
| MJÖG LÍTILL | LÍTILL | MIÐLUNGSSTÓR | STÓR | MJÖG STÓR | |
|---|---|---|---|---|---|
| Meðalþyngd fullorðins hunds |
Upp að 4 kg |
Upp að 10 kg | 11-25 kg |
26-44 kg | 45 kg og meira |
| Vaxtartímabil (frá goti þar til hann verður fullorðinn) | 8 til 10 mánuðir |
8 til 10 mánuðir | 12 mánuðir | 15 mánuðir | 18 til 24 mánuðir |
Næringarefnin sem eru nauðsynleg fyrir mataræði hvolpsins
Ýmis næringarefni eru mikilvæg fyrir hvolpinn á fyrstu mánuðunum að hjálpa heilbrigðum vexti og þroska. Mataræði hvolpsins verður að veita næga orku og gæðaprótein til að styðja við vöxt, auk þess sem það þarf að vera auðmeltanlegt. ROYAL CANIN® mataræði er í næringarfræðilegu jafnvægi og er sérsniðið að þörfum hvolpa af öllum stærðum, kynjum og hreyfiþörf.
Næringarþörf hvolpaVísindaleg nálgun ROYAL CANIN® á næringu fyrir hvolpa
Við sérhæfum okkur í heilsusamlegu fóðri enda lítum við ekki þannig á að hvolpafóður eigi bara að vera orkugjafi. Það á að byggja upp og viðhalda frumum líkamans, verja hann gegn sjúkdómum og varna meltingarvandamálum, vandamálum í liðum og aldurstengdum kvillum.
Hvolpavörurnar okkar
ROYAL CANIN® hvolpanæring eflir vöxt og þroska með því að veita öll þau næringarefni sem hvolpurinn þarfnast fyrsta árið.
Hversu mikið fóður á ég að gefa hvolpinum mínum?
Næringarþörf hvolpa er mismunandi og fer eftir tegund og stærð þegar þeir ná fullorðinsaldri. Biddu dýralækninn að finna út væntanlega þyngd hvolpsins þegar hann fullorðnast, miðað við tegundina. Í framhaldi af því getur þú fundið rétta fóðrið fyrir hann. Gættu þess að gefa honum rétta skammtastærð.
- Örlitlir - allt að 4 kg á fullorðinsaldri
- Litlir - allt að 10 kg á fullorðinsaldri
- Meðalstórir - 11 kg til 25 kg á fullorðinsaldri
- Stórir - 26 kg til 44 kg á fullorðinsaldri
- Risar - yfir 45 kg á fullorðinsaldri
- Smáhundar og mjög litlir hundar hafa viðkvæmari kjálka og minni tennur en stærri hundar. Þess vegna þarf fóðrið þeirra að vera af réttri stærð og með réttri áferð.
- Miðlungs stórir hundar hreyfa sig oft mikið utan dyra og þurfa því að fá orkumikið fóður til að byggja upp náttúrulegar varnir.
- Stórir og mjög stórir hundar vaxa hægar og þurfa minni orku fyrir hvert kíló af líkamsþyngd en litlu hundarnir.
Hundar eru flokkaðir í fimm mismunandi stærðir:
Tegundir af ólíkri stærð hafa ólíkar þarfir sem hvolpar. Til dæmis:
Burtséð frá því hversu stór hundurinn þinn verður fullorðinn, er auðvelt að fóðra hvolp of mikið eða of lítið. Ef hann fær of lítið fóður getur það dregið úr vexti og valdið vannæringu. Hvolpur sem fær of mikið fóður getur orðið of feitur og það getur leitt til vandamála í beinum og liðum, öndunarerfiðleika og annarra kvilla.
Hvolpar vita ekki hvernig á að hemja fæðuinntöku, svo mikilvægt er að þú stjórnir skömmtunum vandlega til að koma í veg fyrir að hvolpurinn þinn þyngist um of. Þetta er sérstaklega mikilvægt fyrir stór hundakyn, vegna þess að ef þau eru offóðruð getur það leitt til að vöxturinn verði of hraður og þeir lendi í stoðkerfisvandamálum.
Farðu ávallt eftir skammtastærðunum sem mælt er með á pakkningunum og vigtaðu hverja máltíð vandlega. Mundu að uppgefið magn er jafnan ráðlagður dagskammtur, svo þú þarft að skipta því milli máltíða hvolpsins yfir daginn. Allt nammi sem þú gefur hvolpinum þínum ætti einnig að reiknast inn í þennan dagskammt – það er auðvelt að offóðra með slíkum umbunum.
Að velja rétta fóðrunaráætlun fyrir hvolp
Hvolpar eru með lítinn maga og óþroskað meltingarkerfi þeirra bregst ekki vel við of miklu álagi. Til að koma í veg fyrir að hvolpurinn þjáist af kvillum eins og niðurgangi er best að skipta ráðlögðum dagskammti í litlar máltíðir sem hvolpurinn fær reglulega yfir daginn.
Örlítil eða lítil kyn
Allt að 4 mánuðum 3 máltíðir á dag
4-10 mánaða 2 máltíðir á dag
Fullorðnir 1-2 máltíðir á dag
Miðlungs stórar tegundir
Upp að sex mánaða þrjár máltíðir á dag
Sex til tólf mánaða tvær máltíðir á dag
Fullorðnir ein til tvær máltíðir á dag
Stór eða risavaxin kyn
Allt að 6 mánuðum 3 máltíðir á dag
6-15 mánaða 2 máltíðir á dag
Fullorðnir 1 eða 2 máltíðir á dag
Breytingar á fóðurgjöfum hvolpa
Fyrst um sinn, á meðan hvolpurinn afvenslast, þarf hann fjórar máltíðir á dag sem dreifast jafnt frá morgni til kvölds. Þegar hann nær fullorðinsaldri mun hann ráða við eina til tvær máltíðir á dag.
Smærri hundakyn ná fullorðinsþroska fyrr en önnur, svo þau geta fyrr farið að borða færri máltíðir. Hér fyrir neðan eru leiðbeiningar sem miðast við vænta fullorðinsstærð hvolpsins þíns. En það borgar sig alltaf að fá ráð hjá dýralækninum þínum um bestu fóðrunaráætlunina fyrir hvolpinn þinn.
Hvolpar eru vanafastir og þurfa ekki sömu fjölbreytni í mataræði og mannfólkið. Best er að gefa þeim sama fóðrið, helst á sama tíma, á sama stað og úr sömu skál svo þeir finni til öryggis og meltingin raskist ekki.
Hvað er blönduð fóðrun fyrir hvolpa?
Blönduð fóðrun er þegar þú gefur hvolpinum þínum blöndu af blaut- og þurrfæði – annað hvort samtímis eða með aðskildum máltíðum, en aldrei í sömu skálinni. Hvort fæði um sig hefur ákveðna mikilvæga kosti. Sem dæmi eykur blautfæði vökvainntöku og höfðar til matvandra. Þurrfæði getur á móti hægt á þeim sem borða mjög hratt.
Kostir þess að gefa hvolpi blandað fóður
Vatnsgjöf
Í þurrfæði er rakainnihaldið í kringum 8% en í blautfæði er það oftast að minnsta kosti 75%.
Bragðgæði
Blautfóðurblöndurnar okkar eru hannaðar til að höfða til jafnvel vandlátustu hvolpa.
Þyngdarstjórnun
Hátt rakastig blautfæðis þýðir að skammtarnir geta verið stærri þótt kaloríufjöldinn sé sá sami.
Hvenær ætti ég að byrja blandaða fóðrun?
Hvolpar mega fá blandað fóður hvenær sem er, en að kynna þá fyrir fjölbreyttu mataræði snemma á lífsleiðinni gæti komið í veg fyrir að þeir verði matvandir á fullorðinsaldri. Meltingarvegur hunds venst samsetningu og tegund matar. Þegar byrjað er að gefa blandað fóður, þarf að bæta nýja fóðrinu smám saman við gamla fóðrið.
Lesa meira
Góðar fóðurvenjur hvolpsins þíns
Það getur verið álag að fóðra hvolp, sérstaklega ef hann neitar að borða eða borðar allt of hratt. Hér eru góðar fóðurvenjur sem gott er að setja strax í upphafi svo hvolpurinn tengi matartíma við eitthvað jákvætt og hann fái næringarefnin sem hann þarf.
Hafðu stjórn á skömmtunum
Til að koma í veg fyrir að þú offóðrir hvolpinn skaltu skoða mataræðisleiðbeiningarnar á umbúðum fóðursins og mæla hvern skammt vandlega. Mundu að uppgefið magn miðast við allan daginn, ekki einstaka máltíð.
Ekki gefa honum mannamat
Hundar hafa ekki sömu næringarþörf og mannfólkið. Það sem er hollt fyrir okkur getur valdið hundi alvarlegum óþægindum í maga. Ef hundar fá afganga frá matarborðinu er hætt við að þeir venjist á að betla mat þegar fólk borðar og það er hvimleiður ósiður.
Farðu varlega í nammið
Nammi skal alltaf telja sem hluta af daglegum heildarmatarskammti hvolpsins til að koma í veg fyrir að hann borði of mikið. Takmarkaðu hversu mikið þú gefur og gerðu það alltaf á réttum tíma og af réttri ástæðu.
Takmarkaðu virkni fyrir og eftir fóðrun
Til að koma í veg fyrir ólgu í maga skaltu forðast að láta hvolpinn hoppa um næstu 1 eða 2 klukkustundir eftir að hann borðar. Og ekki fóðra hann strax eftir að hann hefur verið að hamast mikið.
Gefðu hvolpinum að borða eftir að þú borðar
Hundar eru hópdýr sem þurfa að vita hvar þeir standa í virðingarröðinni. Gefðu honum að borða á eftir fjölskyldunni svo hann átti sig á að þið eruð ofar í virðingarröðinni en hann.
Hafðu matartímana rólega stund
Hafðu fóðurskálina á rólegum stað. Ónæði og umgangur getur dregið athygli hvolpsins frá fóðrinu. Fylgstu með honum meðan hann borðar, án þess að gera fjaðrafok úr því, því annars gæti hann orðið matsár eins og sagt er, eða farið að verja fóðrið sitt.
Borðað á réttum hraða
Ef hvolpurinn þinn gleypir fóðrið í sig, getur þú prófað að gefa honum fóðrið í þrautaskál. Ef hvolpurinn er mjög lengi að borða skaltu samt fjarlægja skálina eftir 15 til 20 mínútur svo hann venji sig ekki á að narta í matinn.
Hvernig á að skipta um mataræði hvolpsins
Skyndilegar breytingar á mataræði hvolpsins geta valdið honum meltingartruflunum eða jafnvel gert hann tortrygginn gagnvart matnum. Hvort sem þú ert að skipta yfir í mat fyrir fullorðna, skipta um fóðurtegund eða að byrja að gefa honum blandað mataræði er mikilvægt að kynna nýjan mat hægt og rólega. Við mælum með því að þú gefir þér viku í breytinguna og notir eftirfarandi hlutföll:
- Dagur 1 og 2: 75% fyrri matur + 25% nýr matur
- Dagur 3 og 4: 50% fyrri matur + 50% nýr matur
- Dagur 5 og 6: 25% fyrri matur + 75% nýr matur
- Dagur 7: 100% nýr matur
Algengar spurningar um hvolpafóður
Magn fæðunnar sem hvolpurinn þinn þarfnast fer eftir stærðinni sem hann mun vaxa upp í á fullorðinsaldri. Flokkarnir eru örlítill, lítill, meðalstór, stór og risi. Veldu rétt hvolpafæði í samræmi við áætlaða fullorðinsstærð og fylgdu ávallt ráðlagðri skammtastærð á umbúðunum.
Hvolpar þurfa að halda áfram að borða sérhæft hvolpafæði þar til þeir hafa náð fullorðinsþroska. Hjá smærri hundakynjum getur það verið strax við átta mánaða aldur, en hjá stærri kynjum allt upp að tveggja ára aldri. Spurðu dýralækninn þinn hvenær hvolpurinn sé tilbúinn til að fá fullorðinsfæði.
Hvolpar geta byrjað að borða þurrt korn þegar þeir eru að afvenslast, sem hefst við fjögurra til fimm vikna aldur. En til að auðvelda hvolpum sem eru mjög litlir að borða og melta það er best að mýkja það með vatni fyrst um sinn.
Margt af því sem er hollt eða gómsætt fyrir okkur getur verið eitrað fyrir hunda og hvolpa. Þetta á m.a. við um eftirtalin matvæli, en takmarkast þó ekki við þau: soðin bein, feitur matur, súkkulaði, kaffi, möndlur, makadamíuhnetur, valhnetur, laukur, sumar sveppategundir, avókadó, hráar kartöflur, tómatar, hvítlaukur, spínat, apríkósur, ferskjur, kirsuber, vínber, rúsínur og rabarbari.
Heimagerður matur er mögulega ekki besti kosturinn fyrir hvolpinn þinn þar sem erfitt er að tryggja að fæðan innihaldi það næringarjafnvægi sem hann þarfnast. Hann skemmist líka fyrr, er að jafnaði dýrari og lengri tíma tekur að matreiða hann. Hágæða framleiðsluhvolpafæði er sérsniðið að þörfum hvolpsins og þú nýtur þægindanna af því að geta fengið bæði þurrt korn og blautfæði í dósum eða pokum.
Það er skynsamlegt að fylgjast með þyngd hvolpsins til að ganga úr skugga um að hann stækki eðlilega. Veggspjöld með skýringamyndum af ólíku holdafari hanga uppi hjá flestum dýralæknum og gefa góða mynd af útliti hunda í kjörþyngd, of feitum eða of grönnum hundum. Það er mikilvægt að vita hver kjörþyngd hundsins er. Það er hundinum óhollt að vera of grannholda eða of feitur. Hægt er að meta holdafar hvolpsins með því að horfa á hann og þreifa á honum. Dýralæknir getur kennt þér að meta holdafar hundsins þíns.
Ef þú velur rétt hágæðafóður, sem framleitt er sérstaklega til að uppfylla þarfir hvolpsins þíns, ætti það að veita öll næringarefnin sem hann þarfnast án þess að nauðsynlegt sé að gefa honum fæðubótarefni. Það borgar sig þó alltaf að leita til dýralæknisins og fá svör um sérstakar næringarþarfir hvolpsins þíns.
Þótt hundar séu oft taldir vera kjötætur, þá átu þeir bráðina alla þegar þeir lifðu villtir. Með því að éta innyfli bráðar sinnar, sem gat verið ýmist grasæta eða alæta, fengu þeir líka ákveðið magn grænmetis. Þess vegna eru blöndurnar okkar hannaðar til að endurspegla þá staðreynd að hundar borða ekki 100% kjötmeti frá náttúrunnar hendi.
Hvolpavörurnar okkar
Finndu næringarfræðilega heildstætt mataræði sem er nákvæmlega sniðið að þörfum hvolpsins þíns.
Meira lesefni
Hvað á að gefa hvolpi að borða?
Útskýringar á næringarþörf hvolpa
